బెల్లంకొండ సాయి శ్రీ‌నివాస్ సినిమాలు, వాటి ఫ‌లితాలు ఎలా ఉన్నా - శాటిలైట్ రూపంలో త‌న సినిమాల‌కు మంచి గిరాకీ ఏర్ప‌డింది. ఇప్ప‌టి వ‌ర‌కూ బెల్లంకొండ న‌టించిన సినిమాల‌న్నీ మంచి రేట్లు ద‌క్కించుకున్న‌వే. మ‌రీ ముఖ్యంగా హిందీలో సాయి సినిమాల‌కు మంచి గిరాకీ. తాజాగా త‌న కొత్త సినిమా `రాక్ష‌సుడు` శాటిలైట్ కూడా భారీ మొత్తానికి అమ్ముడైంది. హిందీ డ‌బ్బింగ్ శాటిలైట్ రూపంలో 12.5 కోట్లు వ‌చ్చాయి. తెలుగు శాటిలైట్ జెమినీ టీవీ రూ.6 కోట్ల‌కు కొనుగోలు చేసింది. అంటే కేవ‌లం శాటిలైట్ రూపంలో 18.5 కోట్లు వ‌చ్చాయ‌న్న‌మాట‌.

ఈ సినిమా బ‌డ్జెట్ తో పోలిస్తే... ఇది అధిక‌మొత్త‌మే. బెల్లంకొండ సినిమాల‌కు ఉన్న అడ్వాంటేజ్ ఇదే. సినిమా ఎలా ఉన్నా, థియేట‌రిక‌ల్ రైట్స్ రూపంలో డ‌బ్బులు వ‌చ్చినా. రాక‌పోయినా - శాటిలైట్ మార్కెట్‌లో మినిమం గ్యారెంటీ ఉంది. హిందీ డబ్బింగ్ రైట్స్ అయితే పెద్ద హీరోల‌తో పోటీ ప‌డి మ‌రీ... డ‌బ్బులు వ‌స్తున్నాయి. బెల్లంకొండని శాటిలైట్ స్టార్ అని పిల‌వ‌డంలో త‌ప్పులేదేమో..?!

ALSO READ: 'విరాటపర్వం' ఎట్‌ గ్రాండ్‌ లాంఛింగ్‌!