పరిచయం అవసరం లేని హీరో కార్తీ. కోలీవుడ్ హీరో అయినా తెలుగులో కార్తీకి మంచి ఫ్యాన్ ఫాలోయింగ్ ఉంది. మొదటినుంచి కార్తీ ప్రతిసినిమా తెలుగులో కూడా డబ్బింగ్ అవుతోంది. రెండు తెలుగు రాష్ట్రాల్లో కార్తీకి ఫాన్స్ ఉన్నారు. సూర్య తమ్ముడుగా ఇండస్ట్రీకి పరిచయం అయినా తక్కువ టైంలోనే అన్ని భాషల్లోనూ మంచి గుర్తింపు తెచ్చుకున్నాడు. మణిరత్నం పొన్నియన్ సెల్వన్ సినిమాలో తన నటనతో అందర్నీ ఆకట్టుకున్నాడు. కార్తీ మూవీకి ప్రత్యేకంగా కమెడియన్ అవసరం ఉండదు. తన నటన హావ, భావాలతోటే ఆకట్టుకుంటాడు. తెలుగులో నాగార్జున తో కలిసి ఊపిరి సినిమాలో నటించి ఫుల్ మార్కులు కొట్టేసాడు. ఆ సినిమా విజయాన్ని సాధించటంలో కార్తీ కీలక పాత్ర వహించాడు. 

 
కార్తీ కెరియర్ కొన్నాళ్లుగా డౌన్ అయ్యింది. సరైన హిట్ పడటం లేదు. ఖైదీతో  సూపర్ హిట్ కొట్టిన కార్తీ సీక్వెల్ గా ఖైదీ 2 చేస్తున్నట్టు తెలుస్తోంది. తెలుగులో కూడా అవకాశాలు వస్తే నటించటానికి ఇంట్రస్ట్ చూపిస్తున్నట్టు తెలుస్తోంది. ఈ క్రమంలోనే ఒక క్రేజీ కాంబినేషన్ కుదిరినట్టు సమాచారం. జాతిరత్నాలు సినిమాతో టాలీవుడ్ లో మంచి గుర్తింపు తెచ్చుకున్న  అనుదీప్ డైరెక్షన్ లో కార్తీ ఒక సినిమా చేయబోతున్నాడని ఫిల్మ్ నగర్ టాక్. 

జాతిరత్నాలు మూవీ తర్వాత అనుదీప్, కోలీవుడ్ హీరో  శివ కార్తికేయన్ తో ప్రిన్స్ సినిమా చేశాడు. ఇప్పుడు కూడా మళ్ళీ కోలీవుడ్ హీరోతోనే అనుదీప్ వర్క్ చేయటానికి రెడీ అయ్యాడు. అనుదీప్ కామిడీ టైమింగ్ కి కార్తీ పర్ఫెక్ట్ అని నమ్మకంతో ఉన్నాడట. ప్రిన్స్ అనుకున్నంత హిట్ కానప్పటికీ కార్తీ అనుదీప్ కి ఛాన్స్ ఇచ్చాడు. జాతిరత్నాలు లాంటి కామెడీ సినిమాకి సినీప్రియులు రెడీ అవుతున్నారు.