ఎన్‌విఆర్‌ సినిమా సంస్థ సస్పెన్స్‌కి తెరదించింది. సూపర్‌ స్టార్‌ మహేష్‌ కొత్త సినిమాను ఈ సంస్థే నిర్మిస్తోంది. రేపే అంటే ఏప్రిల్‌ 12న తమ సినిమా ఫస్ట్‌ లుక్‌ వస్తుందని అధికారికంగా ప్రకటించింది. మురుగదాస్‌ దర్శకత్వంలో మహేష్‌ హీరోగా నిర్మితమవుతోంది ఈ సినిమా. ఈ చిత్రం కోసం 'స్పైడర్‌' అనే టైటిల్‌ అనుకుంటున్నారు. అలాగే 'సంభవామి' అనే టైటిల్‌ కూడా ప్రచారంలో ఉంది. ఇంకొన్ని టైటిల్స్‌ గురించి కూడా గాసిప్స్‌ వినవస్తున్నాయి. అన్ని గాసిప్స్‌కీ ఫుల్‌ స్టాప్‌ పెట్టి, అసలు టైటిల్‌ని రేపు ప్రకటిస్తారు. టైటిల్‌ ఎలా ఉండబోతోందనే సస్పెన్స్‌తోపాటుగా, ఈ సినిమాలో మహేష్‌ ఎలా కనిపిస్తాడనే ఉత్కంఠ కూడా ఉంది అభిమానుల్లో. అయితే సెట్స్‌లో మహేష్‌ ఉండగా తీసిన కొన్ని స్టిల్స్‌ని సినిమాటోగ్రాఫర్‌ సంతోష్‌ శివన్‌ ఇప్పటికే మీడియాతో పంచుకున్నాడు. దాంతో సినిమా కోసం మహేష్‌ న్యూ లుక్‌ ఏమీ ట్రై చేయలేదనే అభిప్రాయం కలుగుతోంది. అయినప్పటికీ కూడా మహేష్‌ స్టైలింగ్‌ ఎలా ఉంటుంది? లుక్‌ని ఎలా డిజైన్‌ చేశారు? అనే ఉత్కంఠ అయితే అలాగే ఉంటుంది కదా! సూపర్‌ స్టార్‌ సినిమాకి ఉండే క్రేజ్‌ గురించి ఎంత చెప్పుకున్నా తక్కువే అవుతుంది. భారీ బడ్జెట్‌తో తెలుగుతోపాటు, తమిళంలోనూ ఈ సినిమా రూపొందుతోంది. ద్విభాషా చిత్రంగా ఒకేసారి దీన్ని విడుదల చేస్తారు. ఈ సినిమా కోసం దర్శకుడు ఎస్‌జె సూర్య విలన్‌గా మారాడు. రకుల్‌ ప్రీత్‌ సింగ్‌ మహేష్‌ సరసన హీరోయిన్‌గా నటిస్తోంది.