మోక్షజ్ఞ హీరోగా ఎంట్రీకి రంగం సిద్ధమయ్యింది. ఓ ప్రముఖ దర్శకుడు, మోక్షజ్ఞ తెరంగేట్రం బాధ్యతలు తీసుకున్నాడట. ఆ వివరాలు త్వరలో వెల్లడవుతాయి. వచ్చే ఏడాది జూన్‌లో మోక్షజ్ఞ సినిమా సెట్స్‌ మీదకు వెళుతుందని స్వయంగా నందమూరి బాలకృష్ణ ప్రకటించారు. నటనలో తర్ఫీదు పొందిన మోక్షజ్ఞ, డాన్సుల్లో మెరికలా కదులుతున్నాడట. తనను ఆదరించినట్లే, తన కుమారుడినీ అభిమానులు, తెలుగు సినీ ప్రేక్షకులు ఆదరిస్తారనే విశ్వాసం వ్యక్తం చేశారు బాలయ్య. గత కొంత కాలంగా మోక్షజ్ఞ ఎంట్రీ గురించి వార్తలు వస్తున్నాయి. బాలయ్య 100వ చిత్రం 'శాతకర్ణి'తో మోక్షజ్ఞ ఎంట్రీ ఉండబోతోందిన నందమూరి అభిమానులు ఆశించారు. కానీ కుదరలేదు. 101వ చిత్రంలోనూ మోక్షజ్ఞ ఓ క్యారెక్టర్‌ చేస్తున్నాడంటూ గాసిప్స్‌ వచ్చాయి. కానీ అది కూడా కుదరలేదు. అయితే ఈ సారి పక్కా అట. వచ్చే ఏడాది నందమూరి యువరాజు ఎంట్రీకి సర్వం సిద్ధమైనట్లేనని బాలయ్య స్వయంగా తెలిపారు. దాంతో వచ్చే ఏడాది జూన్‌లోనే మోక్షజ్ఞ తెరంగేట్రం చేయనునన్నాడని స్పష్టమైపోయింది. ఈ రోజు మోక్షజ్ఞ పుట్టినరోజు. ఈ సందర్భంగా బాలయ్య ఎమ్మెల్యేగా ప్రాతినిథ్యం వహిస్తోన్న నియోజకవర్గం అనంతపురం జిల్లా, హిందూపురంలో అభిమానుల మధ్య తనయుడి పుట్టినరోజు కేక్‌ని కట్‌ చేశారు. ఈ సందర్భంగానే పుత్రరత్నం సినీ ఎంట్రీపై బాలయ్య క్లారిటీ ఇచ్చారు.

ALSO READ: SIT సెకండ్ లిస్టు రెడీ చేసిందట?!