టాలీవుడ్ కి లీకుల గొడ‌వ ఎక్కువైంది. `స‌ర్కారు వారి పాట‌` టీజ‌ర్... ముందే ఆన్ లైన్‌లోకి వ‌చ్చేసింది. దాంతో కంగారు ప‌డిన నిర్మాత‌లు.. చెప్పిన స‌మ‌యానికంటే ముందే టీజ‌ర్ ని విడుద‌ల చేయాల్సివ‌చ్చింది. అవే క‌ష్టాలు `పుష్ష‌`కి కంటిన్యూ అవుతున్నాయి. `దాక్కో దాక్కో మేక‌` పాట అఫీషియ‌ల్ గా రిలీజ్ కాకుండానే బ‌య‌ట‌కు వ‌చ్చేసింది. ఇప్పుడు పుష్ష నుంచి ఓ ఫైట్ సీన్ లీకైపోయింది.

ఈ సినిమాలోని క‌థానాయిక రష్మిక మండ‌పంలో కూర్చుని ఉంటే, బ‌న్నీ.. అదే మండ‌పంలో రౌడీల‌తో కుస్తీ ప‌డుతున్న షాట్ అది. ప‌ది సెక‌న్ల షాట్.. చాలా ప‌వర్‌ఫుల్ గా సాగింది. ఆ షాట్ ఇప్పుడు సోష‌ల్ మీడియాలో హ‌ల్ చ‌ల్ చేస్తోంది. వీఎఫ్ఎక్స్ స్టూడియో నుంచి ఈ లీక్ జ‌రిగి ఉండొచ్చ‌న్న‌ది నిర్మాత‌ల అనుమానం. దాంతో... నిర్మాత‌లు సైబ‌ర్ క్రైమ్ పోలీసుల్ని ఆశ్ర‌యించిన‌ట్టు స‌మాచారం అందుతోంది. పెద్ద సినిమాలంటే.. ఇలాంటి లీకుల గోల త‌ప్ప‌దు. కాక‌పోతే, ఎవ‌రి జాగ్ర‌త్త‌లో వాళ్లు ఉండాలి. చిన్న చిన్న బిట్లు, పాట‌ల వ‌ర‌కూ ఓకే. ఏకంగా సినిమానే బ‌య‌ట‌కు వ‌చ్చేస్తే.. కొంప‌లు మునిగిపోతాయి.

ALSO READ: బిగ్ బాస్ కి `నో` చెప్పేసింది