బాలీవుడ్‌ బ్యూటీ శ్రద్ధా కపూర్‌ నటన పట్ల ఎంతో ప్యాషన్‌తో ఉంటుంది. మోడలింగ్‌ రంగం నుండి వచ్చిన శ్రద్ధా బాలీవుడ్‌లో సెలెక్టెడ్‌గా మూవీస్‌ చేస్తూ, అప్పుడప్పుడూ ఖాళీ దొరికినప్పుడల్లా వాణిజ్య ప్రకటనలతోనూ బిజీగా ఉంటుంది. ఆమె ఏం చేసినా మిగతా హీరోయిన్లకి భిన్నంగా, పూర్తిగా డెడికేట్‌ అయ్యి చేస్తుంది. తెలుగులో నటించాలని ఎప్పటి నుండో అనుకుంటోందట ఈ బ్యూటీ. మంచి అవకాశం కోసం ఎదురు చూసింది. 'సాహో' రూపంలో ఆ ఛాన్స్‌ ఆమెకి రానే వచ్చింది. బాలీవుడ్‌లో 'ఘాజీ' సినిమాలో నటించిందంటే, ఆ సినిమా కోసం మార్షల్‌ ఆర్ట్స్‌ నేర్చుకుంది. ఆ సినిమా ఆమెకి ఎంతో ప్రత్యేకం ఆ రకంగా. అలాగే ఇప్పుడు తెలుగులో 'సాహో' కోసం తెలుగు నేర్చుకుంటోందట. డబ్బింగ్‌ చెప్పలేకపోయినప్పటికీ, సీన్స్‌ని అర్ధం చేసుకోవడానికి భాష చాలా ఉపయోగపడ్తుందనీ ఆమె భావిస్తోందట. అందుకే కష్టపడి తెలుగు నేర్చుకుంటోందట. ప్రబాస్‌ ఆమెకి తెలుగు నేర్చుకోవడంలో సాయం చేస్తున్నాడట. తొలిసారిగా తెలుగులో అడుగుపెడుతోంది ఈ ముద్దుగుమ్మ 'సాహో'తో. సుజిత్‌ దర్శకత్వంలో ఈ సినిమా తెరకెక్కుతోంది. యాక్షన్‌ మూవీగా చాలా పవర్‌ ఫుల్‌ సబ్జెక్ట్‌తో తెరకెక్కుతోన్న ఈ సినిమాలో హీరోయిన్‌ పాత్రకీ ప్రాధాన్యత ఉంటుందట. అందుకే ఆమె తన పాత్రని ఛాలెంజింగ్‌గా తీసుకుంటోందట. బాహుబలి సినిమా తర్వాత ప్రబాస్‌ చేస్తోన్న సినిమా ఇది. సినిమాపై భారీగా అంచనాలున్నాయి.

ALSO READ: కమల్ హసన్ తో భేటి అయిన నగ్మా!