శ్రీలీల ప్రభంజనంలా దూసుకు వచ్చింది టాలీవుడ్ లోకి. దర్శకేంద్రుడు రాఘవేంద్ర రావు దర్శకత్వంలో పెళ్లి సందడితో  తెలుగులో తన సందడి షురూ చేసింది ఈ కన్నడ కస్తూరి. తరువాత తన అందం, అభినయంతో వరుసగా ఛాన్స్ లు అందుకుంటూ మోస్ట్ వాంటెడ్ హీరోయిన్ గా మారిపోయింది. కానీ ఆవగింజంత అదృష్టం కూడా ఉండాలి అంటారు పెద్దలు. అవకాశాలు  వచ్చినా అవి ఏవి సక్సెస్ ని తెచ్చిపెట్టలేకపోయాయి దీనితో శ్రీలీల కెరియర్ ఒక్కసారిగా డౌన్ అయిపోయింది. 

గుంటూరు కారం సినిమా తరవాత ఇప్పటివరకు శ్రీలీల మూవీ ఇంకొకటి రాలేదు. నితిన్ తో  రాబిన్ హుడ్, పవన్ కళ్యాణ్ తో ఉస్తాద్ భగత్ సింగ్  చేస్తోంది. ఇవి హిట్ అయితే శ్రీలీల మళ్ళీ ఫామ్ లోకి వస్తుంది. ఎన్ని డిజాస్టర్లు ఉన్న ఈ అమ్మడి క్రేజ్ మాత్రం తగ్గలేదు. ఎప్పటికప్పుడు తన డాన్స్ వీడియోల్ని సోషల్ మీడియా లో షేర్ చేస్తూ ఫాన్స్ ని మెస్మరైజ్ చేస్తూ ఉంటుంది. తెలుగులో ఆచి తూచి అడుగులు వేస్తున్న ఈ బ్యూటీ మిగతా భాషల్లో కూడా ప్రయత్నాలు చేస్తోంది. ఇప్పటికే బాలీవుడ్ లో సైఫ్ ఆలీఖాన్ కొడుకు తో ఒక మూవీ, సిద్దార్థ్ మల్హోత్రా తో ఇంకో మూవీ కమిట్ అయినట్టు తెలుస్తోంది. బాలీవుడ్ లో కూడా ఒక మూవీకి సైన్ చేసి రిలీజ్ కి ముందే రెండో ఆఫర్ అందుకుంది.     

ఇప్పుడు కోలీవుడ్ లోనూ అడుగుపెడుతోంది. ఇప్పటికే కొన్ని కథలు విందని, వాటిని ఫిల్టర్ చేసే పనిలో ఉందని టాక్. హీరో, బ్యానర్, స్టార్ హోదా లెక్కలు వేయకుండా మంచి కథ, పాత్ర పడితే ఓకే చెప్పే పనిలో ఉందని సమాచారం. ఇలా ఆలోచించే ఒక కథకి గ్రీన్ సిగ్నల్ ఇచ్చిందని తెలుస్తోంది. సుధా కొంగర దర్శకత్వంలో శ్రీలీల ఒక ప్రాజెక్ట్ కి కమిట్ అయినట్లు, హీరోగా  శివకార్తికేయన్‌ నటించనున్నట్లు సమాచారం. సుధా కొంగర లాంటి టాలెంటెడ్ డైరక్టర్ చేతులమీదుగా కోలీవుడ్ లో శ్రీలీల లాంచ్ అవుతోంది. కోలీవుడ్ లో అమ్మడి కెరియర్ ఎలా ఉంటుందో చూడాలి.