విశ్వ‌క్ సేన్ న‌టించిన చిత్రం `పాగ‌ల్`. నివేదా పేతురాజ్ క‌థానాయిక‌. ఈ సినిమాని ఓటీటీలో విడుద‌ల చేద్దామ‌నుకున్నారు. కానీ... చివ‌రి నిమిషంలో నిర్మాత‌ల ప్లాన్ మారింది. థియేట‌రిక‌ల్ రిలీజ్ కి ప్లాన్ చేసేశారు. ఆఘ‌మేఘాల మీద రిలీజ్ డేట్ ప్ర‌క‌టించారు. ఈనెల 14న ఈ చిత్రాన్ని విడుద‌ల చేస్తున్నారు. ఇప్పుడు ట్రైల‌ర్ బ‌య‌ట‌కు వ‌చ్చింది.

``నా పేరు ప్రేమ్‌.. నేనిప్ప‌టి వ‌ర‌కూ ప‌ద‌హారొంద‌ల మంది అమ్మాయిల్ని ప్రేమించాను`` అనే డైలాగ్ తో ట్రైల‌ర్ మొద‌లైంది. క‌నిపించిన ప్ర‌తీ అమ్మాయికీ ఐ ల‌వ్ యూ చెప్పే అబ్బాయిగా విశ్వ‌క్ న‌టించాడు. చివ‌రికి బండ అమ్మాయినీ వ‌ద‌ల‌డు. ఐల‌వ్ యూ చెప్ప‌డం, చెప్పించుకోవ‌డం ఇదే.. తంతు. చివ‌రికి ఓ అమ్మాయి ప్రేమ్‌కి తార‌స‌ప‌డుతుంది. ఆ అమ్మాయి క‌థేంటి? త‌న మ‌న‌సు ఎలా గెలుచుకున్నాడు? అనేదే క‌థ‌. సినిమాలో కావ‌ల్సింత ఫ‌న్‌, రొమాన్స్ ఉన్నాయ‌న్న సంగ‌తి ట్రైల‌ర్ చూస్తే అర్థ‌మైపోతోంది. థియేట‌ర్ల‌లోకి యూత్ ఫుల్ రొమాంటిక్ సినిమా వ‌చ్చి చాలా రోజులైంది. ఈ సినిమాతో కుర్రాళ్లు థియేట‌ర్లో పండ‌గ చేసుకోవ‌డం ఖాయంగా క‌నిపిస్తోంది. మ‌రి విశ్వ‌క్ జాత‌కం ఎలా ఉందో? థియేట‌ర్ల‌లో పాగ‌ల్ ప‌రిస్థితి ఏమిటో తెలియాలంటే ఈనెల 14 వ‌ర‌కూ ఆగాల్సిందే.

ALSO READ: Nivetha Pethuraj Latest Photoshoot