'ఉప్పెన' సినిమాతో తెలుగు ఇండస్ట్రీలో ఎంట్రీ ఇచ్చిన కన్నడ బ్యూటీ కృతిశెట్టి తరవాత పెద్దగా సక్సెస్ కాలేకపోయింది. వరుస ఛాన్స్ లు వచ్చినా అన్ని డిజాస్టర్లు కావటంతో కెరియర్లో వెనకపడిపోయింది. తెలుగులో ఛాన్స్ లు తగ్గిపోవటంతో తమిళ, మలయాళ ఇండస్ట్రీ పై దృష్టిపెట్టింది. మలయాళం లో టోవినో థామస్ తో కలిసి ఒక సినిమా చేసింది. ఈ మూవీ హిట్ అయ్యింది. కానీ అవకాశాలు మాత్రం తీసుకురాలేదు. తమిళంలో కొన్ని సినిమాలు చేస్తోంది. తెలుగులో చివరిగా శర్వా నంద్ తో 'మ‌నమే' సినిమాలో నటించింది.

మళ్ళీ ఇన్నాళ్ళకి బేబమ్మ తెలుగులో ఒక ప్రాజెక్ట్ కి ఫిక్స్ అయినట్లు టాక్. మాస్ కా దాస్ విశ్వ‌క్ సేన్ తో ఒక మూవీకి కృతి ఫైనల్ అయినట్లు తెలుస్తోంది. ఈ మధ్య హిట్, ఫ్లాప్ తో సంబంధం లేకుండా విశ్వక్ సినిమాలు చేస్తున్నాడు. రీసెంట్ గా వచ్చిన లైలా మూవీ డిజాస్టర్ కావటంతో ఈ సారి కొంచెం శ్రద్ద పెట్టి కథ ఫైనల్ చేసినట్లు తెలుస్తోంది. సితార ఎంట‌ర్ టైన్ మెంట్స్ బ్యానరులో విశ్వక్ చేసే మూవీలో హీరోయిన్ గా కృతిశెట్టిని ఫైనల్ చేసిన‌ట్లు స‌మాచారం.

ప్రస్తుతం సితార ఎంటర్టైన్ మెంట్ ఫుల్ ఫామ్ లో ఉంది. ఏ ప్రాజెక్ట్ చేసినా హిట్ అందుకుంటు న్నారు. ఈ క్రమంలో ఫ్లాప్ లో ఉన్న కృతికి ఇది మంచి ఆఫర్ అనే చెప్పాలి. ఈ మూవీ హిట్ అయితే బేబమ్మ మళ్ళీ తెలుగులో బిజీ అయ్యే చాన్సలున్నాయి. అందం, అభినయం, గ్లామర్ ఒలకబోత అన్ని ఉన్నా అమ్మడికి లక్ కలిసిరాలేదు. ఇప్పడు సితార బ్యానర్ కృతిని గట్టెక్కిస్తుంది ఏమో చూడాలి.