మ్యూజిక్ డైరక్టర్ తమన్ ప్రస్తుతం సోషల్ మీడియాలో హాట్ టాపిక్ గా మారాడు. తమన్ మంచి మనసుకు నెటిజన్స్, ఫాన్స్ ఫిదా అవుతున్నారు. ప్రస్తుతం తెలుగు, తమిళంలో బిజీగా ఉన్న సంగీత దర్శకుడు ఎవరంటే టక్కున తమన్ పేరు చెప్తారు. పాన్ ఇండియా ప్రాజెక్ట్స్ అన్నిటికి తమన్ మ్యూజిక్ డైరక్టర్ కావటం గమనార్హం. ఒక వైపు సినిమాల్లో బిజీగా ఉంటూ మరొక వైపు ఆహా OTT మ్యూజిక్ షో కు తమన్ న్యాయ నిర్ణేతగా కూడా ఉన్నారు. సోషల్ మీడియాలో యాక్టివ్ గా ఉంటూ రెగ్యులర్ గా ఫ్యాన్స్ కి టచ్ లో ఉంటాడు. తాను మ్యూజిక్ అందిస్తున్న సినిమాల అప్డేట్స్ ఎప్పటికప్పుడు ఇస్తుంటారు. గేమ్ చేంజెర్ మూవీ  అప్డేట్స్ అన్నీ తమన్ ఇచ్చినవే. 

సంపాదించటం కాదు సాయం చేయటంలో ముందు ఉంటాడు తమన్. ఎవరికి ఏ కష్టం వచ్చినా, అత్యవసర పరిస్థితుల్లో సాయం కావాలని అడిగితే తమన్ వెంటనే  సోషల్ మీడియాలో స్పందించి, వాళ్ళ డీటేల్స్ తీసుకుని నేనున్నా అంటూ సాయం చేస్తూ ఉంటారు. ఇప్పుడు కూడా తమన్ ఇలాంటి సాయమే చేసారు. కిడ్నీ ట్రాన్స్ ప్లాంటేషన్ సర్జరీ అవసరం ఉందని తెలిసి ఒక పేషంట్ కి తమన్ సాయం చేశారు. తమన్ చేసిన సాయంతో ఆ పేషేంట్ కి  కిడ్నీ ట్రాన్స్ ప్లాంటేషన్ సర్జరీ చేయగా, విజయవంతంగా పూర్తి అయింది. ఈ విషయాన్ని డాక్టర్ లీలా కృష్ణ సోషల్ మీడియా ద్వారా షేర్ చేసారు.   

'థాంక్యూ డియర్ తమన్, గొప్ప మనసుతో పేషంట్ కి సాయం చేసి కిడ్నీ ట్రాన్స్ ప్లాంటేషన్ జరిగేలా చేశావు. నీ కైండ్ హార్ట్ ని జీవితాంతం గుర్తు పెట్టుకుంటా' అని డాక్టర్ లీలా కృష్ణ పోస్ట్ చేశారు. అంతే కాదు తమన్ తో ఉన్న తన పిక్ ని కూడా షేర్ చేశారు.  లీలాకృష్ణ పోస్ట్ కి తమన్ రిప్లై ఇస్తూ గాడ్ ఈజ్ గ్రేట్ డియర్ డాక్టర్ అని తెలిపారు. డాక్టర్ చేసిన పోస్ట్ వలన తమన్ చేసిన సాయం అందరికి తెలిసింది. దీనితో తమన్ చేసిన సాయాన్ని, అతని మంచి మనసుని అంతా కీర్తిస్తున్నారు.