పాన్ వరల్డ్ స్టార్ ప్రభాస్ ప్రస్తుతం వరస పాన్ ఇండియా సినిమాలు చేస్తున్నాడు. మారుతితో చేస్తున్న రాజా సాబ్ 2025 సమ్మర్ లో రిలీజ్ అవుతోంది. హను రాఘవపూడితో ఫౌజీ కూడా మొదలు పెట్టాడు. ఈ రెండు సినిమాలు ఒకే సారి తెరెక్కుతున్నాయి. రెండు సినిమాల్లో ఒకేసారి నటిస్తూ ఫాన్స్ కి డబుల్ ట్రీట్ ఇస్తున్నాడు డార్లింగ్. ఇపుడు సందీప్ వంగా స్పిరిట్ కూడా మొదలు పెట్టనున్నట్లు సమాచారం. డిసెంబర్ లో స్పిరిట్ మొదలు పెట్టి ఆరునెల్లలో పూర్తి చేసేలా సందీప్ ప్లాన్ చేస్తున్నాడని తెలుస్తోంది. స్పిరిట్ పూర్తి అయ్యాక సందీప్ యానిమల్ పార్క్ మొదలు పెడతారట. అప్పటికి రణబీర్ కూడా ఫ్రీ అయిపోతాడు. రణభీర్ నటిస్తున్న రామాయణం 2025 దీపావళికి రిలీజ్ కానుండటంతో యానిమల్ పార్క్ కి డేట్స్ కేటాయిస్తాడని టాక్.

ఈ మధ్యే స్పిరిట్ మ్యూజిక్ సిట్టింగ్స్ కూడా మొదలు పెట్టాడు సందీప్. ఇప్పటికే ప్రీ ప్రొడక్షన్ వర్క్ కంప్లీట్ అయ్యిందని తెలుస్తోంది. ఇలాంటి టైం లో స్పిరిట్ కి సంబంధించి క్రేజ్ న్యూస్ వైరలవుతోంది.ఈ మూవీకి పూరి జ‌గ‌న్నాధ్ డైలాగులు రాస్తున్నారని ప్రచారం జరుగుతోంది. అదేంటి సందీప్ సినిమాకి పూరి డైలాగులా అని ఆశ్చర్య పోతున్నారా? అవును ప్రస్తుతం ఇదే విషయం నెట్టింట హాట్ టాపిక్ గా మారింది. సందీప్ వంగా ఏరికోరి 'స్పిరిట్' డైలాగుల బాధ్య‌తల్ని పూరి జ‌గ‌న్నాధ్ కి అప్ప‌గించిన‌ట్లు ఫిలిం నగర్ టాక్. సందీప్ రెడ్డి సినిమాలు ఎఫెక్టీవ్ గా ఉంటాయి, పాటలు బాగుంటాయి, మేకింగ్ కొత్తగా ఉంటుంది కానీ ఇప్పటివరకు డైలాగ్స్ అంత పాపులర్ అవలేదు. అందుకే తన విధ్వంసానికి పూరి కలం జోడిస్తే బాగుంటుంది అని సందీప్ స్వ‌యంగా పూరిని కోరాడట‌.

సందీప్ కోరికను పూరి కూడా మన్నించినట్లు తెలుస్తోంది. ఈ మధ్య కెరియర్ లో డౌన్ లో ఉన్న పూరికి మళ్ళీ ఒక అవకాశం కావాలి. అది సందీప్ రూపంలో వచ్చింది అని పాన్ ఇండియా హిట్ కొట్టొచ్చని ఒప్పుకున్నాడట. పైగా ప్రభాస్ తో పూరికి మంచి బాండింగ్ ఉంది. ప్రభాస్ పూరి కాంబోలో ఏక్ నిరంజన్, బుజ్జిగాడు సినిమాలు వచ్చాయి. బుజ్జిగాడులో ప్రభాస్ ని పూరి డిఫరెంట్ గా చూపించారు. డార్లింగ్ మ్యానరిజం డైలాగ్స్ అన్ని వేరే లెవెల్ లో ఉంటాయి. పూరి కలానికి చాలా పవర్ ఉంది. పూరి సినిమాలు ఫ్లాప్ అయినా డైలాగ్స్ మాత్రం ఇప్పటికీ ఫేమస్. పూరి డైలాగ్స్ కి ప్ర‌భాస్ కూడా మంచి ఫ్యాన్. నిజంగా స్పిరిట్ మూవీకి పూరి డైలాగులు రాస్తే, ఒకే టికెట్ పై రెండు సినిమాలు చూసినట్లే అని ఫాన్స్ ఫీల్ అవుతున్నారు. సందీప్ రెడ్డి సొంతంగా క‌థ‌, స్క్రీన్ ప్లే రాసుకుని, డైలాగులు వేరే వారితో రాయిస్తాడు. ఈ సారి ఆ అవకాశం పూరికి దక్కింది.

ALSO READ: అప్పుడు బాయ్ కాట్....ఇప్పుడు హాష్ టాగ్