అల్లు అర్జున్ సుకుమార్ కాంబోలో వస్తున్న పుష్ప 2 మూవీ డిసెంబర్ 5 న థియేటర్స్ లో సందడి చేయనుంది. ఈ క్రమంలో పుష్ప రాజ్ హవా ఇప్పటి నుంచే మొదలైంది. ఇప్పటికే పెండింగ్ ఉన్న ఐటెం సాంగ్ షూట్ కంప్లీట్ చేసి, ప్రమోషన్స్ స్టార్ట్ చేసే పనిలో ఉన్నారు. పుష్ప పార్ట్ వన్ లో ఉన్న చాలా మంది యాక్టర్స్ తో పాటు పార్ట్ 2 లో ఇంకొందరు కొత్తవాళ్లు కూడా ఉన్నారని తెలుస్తోంది. హీరోయిన్ గా రష్మిక నటిస్తోంది. మొదటి పార్ట్ లో ఉన్న సునీల్ , రావు రమేష్, అనసూయ, అజయ్ గోష్, ఫాహద్ పాజిల్,  అజయ్ తో పాటు ఇంకొందరు కొత్తవారు ముఖ్యంగా విలన్స్ యాడ్ అయ్యారు. 

పుష్ప: ది రైజ్ ఎండింగ్ తో పార్ట్-2లో భన్వర్ సింగ్ షెకావత్ తో పుష్పకి టఫ్ ఫైట్ ఉంటుందని అర్థం అవుతుంది. దీనితో పుష్పకు, షెకావత్‌కు మధ్య పోరు ఎలా ఉంటుందా అని ఆసక్తి పెరిగింది. ఫాహద్ తో పాటు బావమరిదిని చంపినందుకు మంగళం శీను పాత్ర అయిన సునీల్, అనసూయ,  పుష్ప పై ప్రతీకారం తీర్చుకోనున్నారు. ఇలా పుష్ప 2 లో విలన్లు చాలామంది ఉన్నారు. ఒక రకంగా చెప్పాలంటే ఉన్న వారంతా విలన్లే. 

పుష్ప 2 పాన్ ఇండియా సినిమా కావటంతో అన్ని భాషలకి చెందిన యాక్టర్స్ ఇందులో నటిస్తున్నారు. తమిళ యాక్టర్ మైమ్ గోపి, 'కేజీఎఫ్' ఫేమ్ కన్నడ యాక్టర్ తారక్ పొన్నప్ప, మలయాళ నటుడు ఆదిత్య మేనన్‌, లతో పాటు యానిమల్ ఫేమ్ 'సౌరభ్ సచ్‌దేవ్', జగపతి బాబు, ధనుంజయ్, షణ్ముఖ్, కూడా 'పుష్ప-2 ' లో నటిస్తున్నారు. దాదాపు డజను మంది పవర్ ఫుల్ విలన్లు పుష్ప రాజ్ వెంట పడనున్నారు. ఇంతమంది విలన్లను ఢీకొట్టే క్రమంలో పుష్ప పాత్ర ఇంకా పవర్ ఫుల్‌గా ఉంటుందని ఫాన్స్ అంచనా వేస్తున్నారు.