తమిళంలో స్టార్‌ హీరో ధనుష్‌ ఇప్పుడు మెగా ఫోన్‌ పట్టబోతున్నాడు. తన డైరెక్షన్‌లో ఓ సినిమాని తెరకెక్కిస్తున్నాడు. ఆ సినిమా టైటిల్‌ 'పవర్‌ పాండి'. ఇదో డిఫరెంట్‌ కాన్సెప్ట్‌ ఉన్న మూవీ. తాజాగా ట్రైలర్‌ విడుదలయ్యింది. ఈ ట్రైలర్‌కి మంచి ప్రశంసలు దక్కుతున్నాయి. ధనుష్‌ చేసిన అటెంప్ట్‌ని మెచ్చుకోకుండా ఉండలేకపోతున్నారు తమిళ తంబీలు. ఈ సినిమాలో రాజ్‌ కిరణ్‌ ముఖ్య పాత్రలో నటిస్తున్నారు. ఈయనకి ఓ కొడుకు, మనవడు ఉంటారు. కానీ భార్య ఉండదు. సీనియర్‌ నటి రేవతికి ఓ బలమైన కారణంగా భర్త దూరమవుతాడు. ఈ ఇద్దరి మధ్యా రిలేషన్‌.. అది బ్యాడ్‌ రిలేషన్‌ కాదు. చాలా పవిత్రమైన బంధం. అసలు ఆ రిలేషన్‌ ఏంటి? ఆ రిలేషన్‌ మనసును హత్తుకునే విధంగా ఉంటుందట. సున్నితమైన భావోద్వేగాలతో తెరకెక్కుతోంది ఈ చిత్రం. సీనియర్‌ నటీనటులతో ఈ కథని ధనుష్‌ ఎలా డీల్‌ చేశాడన్నది సినిమా చూస్తే కానీ తెలీదు. అసలు ధనుష్‌ తలచుకుంటే ఓ మాంచి మసాలా చిత్రాన్ని తెరకెక్కించొచ్చు. కమర్షియల్‌ వేల్యూస్‌ అన్నీ తెలిసిన ఓ హీరోగా మాస్‌ పల్స్‌ని ఎలా పట్టుకోవాలో ధనుష్‌కి తెలుసు. అలాంటిది ఈ టప్‌ సబ్జెక్ట్‌ని ధనుష్‌ ఎందుకు టేకప్‌ చేశాడో కానీ, మంచి ప్రయత్నం చేశాడంటున్నారు సినీ జనం. హీరోగా బిజీగా ఉంటూనే మరో పక్క డైరెక్షన్‌ ఫీల్డ్‌ని కూడా టచ్‌ చేశాడు ధనుష్‌. డైరెక్టర్‌గా కూడా ధనుష్‌ విజయం సాధించాలని ఆశిద్దాం. 

ALSO READ: 'బాహుబలి 2' ఈ రికార్డు మీకు తెలుసా?