ముద్దుగుమ్మ ప్రగ్యా జైశ్వాల్‌కి పర్‌ఫామెన్స్‌ రోల్స్‌ బాగా సెట్‌ అవుతాయి. అలాగే ఆమెని ఏరి కోరి 'కంచె' సినిమా కోసం ఎంచుకున్నారు. ఆ సినిమాలో 'సీతాదేవి' పాత్రలో అంత చక్కగా ఒదిగిపోయింది ప్రగ్యా జైశ్వాల్‌. అలాగే ఆ తర్వాత ఆమెకు ఆ తరహా పాత్రలే దక్కాయి. 'ఓం నమో వేంకటేశాయ' సినిమాలోనూ శ్రీవారి భక్తురాలి పాత్రలో చాలా చక్కగా పర్‌ఫామెన్స్‌ ప్రదర్శించింది. పాత్రల పరంగా ఆమెకి ఆ సినిమాలతో మంచి ఆదరణ దక్కింది. అయితే ఆ తర్వాత అమ్మడు గ్లామరస్‌ రోల్స్‌పై కాన్‌సన్‌ట్రేషన్‌ చేసింది. విచ్చల విడి గ్లామర్‌ ప్రదర్శన చేసేసింది. ఇటీవల విడుదలైన 'నక్షత్రం' సినిమాలో బీచ్‌ సాంగ్‌తో రెచ్చిపోయింది. 'జయ జానకి నాయకా' సినిమాలోనూ గ్లామర్‌ ప్రదర్శన రంజుగానే చేసిందీ బ్యూటీ. అయితే ఇప్పుడు మళ్లీ పర్‌ఫామెన్స్‌ రోల్స్‌ వైపు దృష్టి సారించిందని తెలుస్తోంది. అయితే తాను అనుకుంటే సరిపోదు కదా. ఎలాంటి అవకాశాన్నైనా అంది పుచ్చుకుని దాన్ని సద్వినియోగం చేసుకునే సత్తా ఉండాలి. తాజాగా ప్రగ్యా జైశ్వాల్‌కి మెగా ఆఫర్‌ దక్కిందంటూ ప్రచారం జోరుగా సాగుతోంది. మెగాస్టార్‌ చిరంజీవి హీరోగా తెరకెక్కుతోన్న 'సైరా నరసింహారెడ్డి' సినిమాలో ప్రగ్యా ఛాన్స్‌ దక్కించుకుందంటూ గాసిప్స్‌ వినవస్తున్నాయి. 'కంచె' సినిమాలో ప్రగ్యా పర్‌ఫామెన్స్‌కి మెచ్చి మెగాస్టార్‌ సినిమాకి ఈ ముద్దుగుమ్మని ఎంపిక చేసుకున్నారనీ విశ్వసనీయ వర్గాల సమాచారమ్‌. ఒకవేళ ఇదే నిజమైతే ప్రగ్యా దశ తిరిగినట్లే. సురేందర్‌ రెడ్డి దర్శకత్వంలో తెరకెక్కుతోన్న ఈ సినిమాకి రామ్‌ చరణ్‌ నిర్మాతగా వ్యవహరిస్తున్నారు.

ALSO READ: బాలయ్య 102లో కొత్త హీరోయిన్