ఆచార్య ఫిబ్ర‌వ‌రిలో విడుద‌ల అవుతోంది. ఈలోగా షూటింగ్ అయిపోయి, పోస్ట్ ప్రొడక్ష‌న్ మొద‌లెట్టాడు కొర‌టాల‌. ఫిబ్ర‌వ‌రి అంటే చాలా స‌మ‌యం ఉంది. కాబ‌ట్టి ఈలోగా రిపేర్లూ మొద‌లెట్టేశారు. చిరంజీవి పార్ట్ కి సంబంధించిన కొన్ని సన్నివేశాల్ని రీ షూట్ చేయాల‌ని కొర‌టాల ఫిక్స‌య్యాడు. అందుకోసం 5 రోజుల పాటు రీషూట్ ప్లాన్ చేశారు. నిజానికి ఆచార్య రీషూట్‌కి వెళ్ల‌డం ఇదే తొలిసారి కాదు. ఇది వ‌ర‌కు అసంతృప్తిగా ఉన్న స‌న్నివేశాల్ని కొన్నింటికి మ‌ళ్లీ తెర‌కెక్కించారు.

ఇది సీజ‌న్ 2 అన్న‌మాట‌. అయితే ఇవ‌న్నీ చిరుకి సంబంధించిన సీన్లు కావ‌డంతో.. ఒకేసారి, 5 రోజుల్లో చ‌క చ‌క పూర్తి చేయాల‌ని చూస్తున్నారు. ఇందులో ఓ ఫైట్ కూడా ఉంద‌ని స‌మాచారం. అఖండ త‌ర‌వాత‌.. హీరో ఎలివేష‌న్లు, ఫైట్ల‌కు బాగా క్రేజ్ వ‌చ్చిన‌ట్టైంది. అందులో భాగంగానే ఈ రీషూట్ కూడా మొద‌లెట్టార‌ని ప్ర‌చారం జ‌రుగుతోంది. ఎన్ని రీషూట్లు చేసినా అంతిమంగా.. ఫ్యాన్స్‌కి న‌చ్చే సినిమా తీయ‌డమే కీల‌కం. కాబ‌ట్టి.... కొర‌టాల కూడా ఏమాత్రం మొహ‌మాట ప‌డ‌డం లేదని తెలుస్తోంది.

ALSO READ: బ‌న్నీ కోసం రూటు మారుస్తున్న బోయ‌పాటి