పుష్ప సినిమాతో టాక్ ఆఫ్ ది ఇండస్ట్రీ అయిపోయాడు బన్నీ. అంతే కాదు ఇదే సినిమాతో  తెలుగువారికి అందని ద్రాక్షలా ఉన్న నేషనల్ అవార్డు కూడా విన్ అయ్యాడు అల్లు అర్జున్. ఇప్పుడు పుష్ప 2 తో డిసెంబర్ 5 సందడి చేసేందుకు సిద్ధంగా ఉన్నాడు. ప్రజంట్ ప్రమోషన్స్ లో ఫుల్ బిజీగా ఉన్న పుష్ప రాజ్ నెక్స్ట్ ప్రాజెక్ట్ ఏంటి అని అంతా ఎదురుచూస్తున్నారు. పుష్ప 2 రిలీజ్ తరవాత బన్నీ, త్రివిక్రమ్ కాంబో మూవీ స్టార్ట్ అవునుందని ఇప్పటికే కన్ఫర్మ్ అయిన సంగతి తెలిసిందే.

లేటెస్ట్ అప్డేట్ ప్రకారం బన్నీ, త్రివిక్రమ్ కాంబో మూవీ హిస్టారికల్ మూవీ అని అంటున్నారు. మైథాలజికల్ టచ్ ఉంటుందని, ఇప్పటివరకు ప్రచారం అయ్యింది. కానీ ఇప్పుడు త్రివిక్రమ్ బన్నీ కోసం హిస్టారికల్ స్టోరీ రాస్తున్నాడని, అది బన్నికీ బాగా నచ్చిందని టాక్. మంగోలియన్ల నాయకుడు చెంఘీజ్ ఖాన్ బయోపిక్‌ అని సమాచారం. మంగోలియనల్ని ఏకం చేసి, శత్రువులతో యుద్దానికి దిగి తన రాజ్యాన్ని కాపాడుకున్న చెంఘీజ్ ఖాన్‌ పాత్రలో అల్లు అర్జున్ నటిస్తే ఆ కిక్కే వేరు అని ఫాన్స్ ఆసక్తిగా ఉన్నారు. హిస్టారికల్ యాక్షన్ స్టోరీకి ఇప్పటికే త్రివిక్రమ్ స్క్రిప్ట్ పూర్తి చేసాడని తెలుస్తోంది.

ఇప్పటికే ఒక ఇంటర్వ్యూలో బన్నీ వాసు మాట్లాడుతూ త్రివిక్రమ్, బన్నీ కాంబో మూవీకి స్టోరీ లైన్ ఫిక్స్ అయిపోయిందని, భారీ బడ్జెట్ అవసరం అని పేర్కొన్నాడు. అంతే కాదు ఈ మూవీ ప్రీప్రొడక్షన్ వర్కే ఏడాది పాటు ఉంటుందని చెప్పి అంచనాలు పెంచేసాడు. ఈ ప్రాజెక్ట్ 2025లో మొదలు కానున్నట్లు సమాచారం.