బాల‌కృష్ణ `అన్ స్టాప‌బుల్` అంటూ... ఆహాలో అద‌ర‌గొట్టేస్తున్నాడు. ఈ షో సూప‌ర్ హిట్ట‌య్యింది. మ‌హేష్ బాబు, రాజ‌మౌళి లాంటి సెల‌బ్రెటీల రాక‌తో.. ఈ షోకి కొత్త క‌ళ వ‌చ్చింది. ఇప్పుడు... అల్లు అర్జున్ ఎంట్రీ ఇచ్చాడు. పుష్ప టీమ్ తో అన్ స్టాప‌బుల్ పూర్త‌య్యింది. ఈనెల 26న ఈ ఎపిసోడ్ ఆహాలో ప్ర‌సారం కానుంది. అఖండ‌తో బాల‌కృష్ణ ఓ సూప‌ర్ హిట్టు కొట్టాడు. పుష్ప‌తో.. మంచి వ‌సూళ్లు రాబ‌డుతున్నాడు బ‌న్నీ.

వీరిద్ద‌రి క‌ల‌యికా.. క‌చ్చితంగా చూడ‌ముచ్చ‌ట‌గా ఉండ‌డం ఖాయం. అఖండ‌.. ప్రీ రిలీజ్‌ఫంక్ష‌న్ కి బ‌న్నీ అతిథిగా వెళ్లాడు. స్టేజీపై వాళ్లిద్ద‌రి బాండింగ్ బ‌య‌ట‌ప‌డింది. ఆహాలో.. బాల‌కృష్ణ హోస్ట్ గా చేయ‌డం టాక్ ఆఫ్ ది టౌన్ అయ్యింది. బ‌న్నీ అఖండ ప్రీ రిలీజ్ ఈవెంట్ కి వెళ్ల‌డం మ‌రోసారి చ‌ర్చ‌నీయాంశ‌మైంది. ఇప్పుడు బాల‌య్య ముందు బ‌న్నీ కూర్చుని స‌మాధానాలు చెప్ప‌డం మ‌రింత ఆస‌క్తిక‌ర‌మైన విష‌యం. ఈ ఎపిసోడ్ లో సుకుమార్‌, దేవిశ్రీ ప్ర‌సాద్ లు కూడా పాలు పంచుకోనున్నార‌ని స‌మాచారం.