అఖండ - మ‌రో మైలురాయి.. బాల‌య్య కెరీర్‌లో బెస్ట్
09 December 2021-13:00 PM
నంద‌మూరి బాల‌కృష్ణ - బోయ‌పాటి ల మ్యాజిక్ కొన‌సాగుతూనే ఉంది. 'అఖండ' మూవీ బాక్సాఫీస్ ద‌గ్గ‌ర హ‌వా సాగిస్తూనే ఉంది. ఇప్పుడు మ‌రో మైలు రాయి అందుకుంది. ఈ సినిమా 50 కోట్ల క్ల‌బ్ లో చేరిపోయింది. ఇప్ప‌టి వ‌ర‌కూ ఈ సినిమా రూ. 51.82 కోట్ల షేర్ సాధించింది. బాల‌య్య కెరీర్‌లో ఇదే బెస్ట్ ఫిగ‌ర్స్‌.
గ‌తంలో 'గౌత‌మి పుత్ర శాత‌క‌ర్ణి' (2017) సాధించిన రూ. 50.25 కోట్ల షేర్‌ను దాటేసింది. ఇక 2021లో ఇప్ప‌టివ‌ర‌కూ రిలీజైన సినిమాల్లో 'అఖండ' సెకండ్ ప్లేస్‌లో నిల‌వ‌డం గ‌మ‌నార్హం. ప‌వ‌న్ క‌ల్యాణ్ 'వ‌కీల్ సాబ్' వ‌ర‌ల్డ్ వైడ్‌గా రూ. 86.36 కోట్ల షేర్‌తో అగ్ర‌స్థానంలో ఉంది. ఇప్పుడు బాల‌య్య రెండో స్థానంలో నిలిచింది.
గురువారం విడుద‌లైన ఈ చిత్రానికి శుక్ర, శ‌ని, ఆదివారాలు మంచి వ‌సూళ్లు వ‌చ్చాయి. సోమ‌వారం కూడా అఖండ త‌న జోరు చూపించింది. ఆరో రోజు 'అఖండ' రూ. 2.53 కోట్ల షేర్‌ను సాధించింది. ఓవ‌రాల్‌గా ఏపీ-తెలంగాణ‌లో ఆరు రోజుల క‌లెక్ష‌న్ రూ. 43.67 కోట్ల షేర్‌ను అందుకుంది. ఈ యేడాది 50 కోట్ల క్ల‌బ్ లో చేరిన సినిమాలు మూడంటే మూడు ఉన్నాయి. వ‌కీల్ సాబ్, ఉప్పెన త‌ర‌వాత.. అఖండ‌కే ఆ స్థానం ద‌క్కింది.
