విజ‌య్ దేవ‌ర‌కొండ - పూరి జ‌గ‌న్నాథ్ కాంబినేష‌న్‌లో రూపుదిద్దుకుంటున్న చిత్రం `లైగ‌ర్‌`. పాన్ ఇండియా స్థాయిలో ఈ చిత్రాన్ని తెర‌కెక్కిస్తున్న సంగ‌తి తెలిసిందే. అన‌న్య పాండే క‌థానాయిక‌. మైక్ టైస‌న్ ఓ కీల‌క పాత్ర పోషిస్తున్నాడు. ఈ సినిమా రిలీజ్ డేట్ ఫిక్స‌య్యింది. 2022 ఆగ‌స్టు 22న ఈ చిత్రాన్ని విడుద‌ల చేయ‌బోతున్న‌ట్టు చిత్ర‌బృందం ప్ర‌క‌టించింది. అంతే కాదు.. ఫ‌స్ట్ గ్లిమ్స్ ని కొత్త సంవ‌త్స‌రం కానుక‌గా.. డిసెంబ‌రు 31న రిలీజ్ చేయ‌బోతున్నారు.

`ఆగ్ ల‌గాదేంగే..` అంటూ... అప్పుడే ఊరించేస్తున్నాడు పూరి. తెలుగు, హిందీ, త‌మిళ‌, మ‌ల‌యాళ‌, క‌న్న‌డ భాష‌ల్లో ఈ ఫ‌స్ట్ గ్లిమ్స్ రాబోతోంది. పూరి క‌న‌క్ట్స్ నిర్మిస్తున్న ఈ చిత్రాన్ని హిందీలో క‌ర‌ణ్ జోహార్ విడుద‌ల చేస్తున్నాడు. బాక్సింగ్ నేప‌థ్యంలో సాగే క‌థ ఇది. ఈ సినిమా కోసం ప‌లువురు అంత‌ర్జాతీయ బాక్స‌ర్ల‌ని రంగంలోకి దింపాడు పూరి. వాళ్ల‌పై తెర‌కెక్కించిన యాక్ష‌న్ దృశ్యాలు ప్ర‌ధాన ఆక‌ర్ష‌ణ‌గా నిల‌వ‌బోతున్నాయ‌ని చిత్ర‌బృందం తెలిపింది.

ALSO READ: సంక్రాంతి సినిమాల‌కు బంప‌ర్ ఆఫ‌రే!