న్యాచుర‌ల్ స్టార్ నాని ప్రస్తుతం హిట్ 3 మూవీ చేస్తున్నాడు. హ్యాట్రిక్ విజయాలతో, చేతినిండా సినిమాలతో ఫుల్ జోష్ లో ఉన్నాడు నాని. హిట్3 తరువాత దసరా మూవీతో తనకి మాస్ ఇమేజ్ ఇచ్చి, పాన్ ఇండియా హిట్ అందించిన శ్రీ కాంత్ ఓదెల తో ఒక ప్రాజెక్ట్ చేయనున్నాడు. ఈ మూవీలో బాలీవుడ్ బ్యూటీ శ్రద్ద కపూర్ నానికి జోడిగా నటిస్తోంది. ఇది కూడా పాన్ ఇండియా ప్రాజెక్ట్. ప్రజంట్ ప్రీ ప్రొడ‌క్ష‌న్ వర్క్ జరుగుతుందని సమాచారం. నాని హిట్ 3 కంప్లీట్ కాగానే శ్రీకాంత్ ప్రాజెక్ట్ లో జాయిన్ అవుతాడు. ఈ మూవీకి 'ది ప్యారడైజ్' అనే టైటిల్ పరిశీలనలో  ఉన్నట్లు టాక్.

మొన్నటివరకు నాని సినిమాకి బడ్జెట్ లెక్కలు ఉండేవి. కానీ సరిపోదా శనివారంతో ఆ లెక్కలు మారిపోయాయి. నెక్స్ట్ నాని చేయబోయే సినిమాలనీ హై బడ్జెట్ తోనే తెరకెక్కుతున్నాయి. శ్రీకాంత్ ఓదెల తో నాని చేయబోయే సినిమా బడ్జెట్ నాని కెరియర్ లోనే హయ్యెస్ట్ బడ్జెట్ అని తెలుస్తోంది. 100 కోట్లు దాటి ఖర్చు పెడుతున్న నాని మొదటి సినిమా ఇదే కావటం గమనార్హం. లేటెస్ట్ సమాచారం ప్రకారం ఈ సినిమాలో స్టార్ కాస్టింగ్ ఉండనుందని ఫిలిం నగర్ టాక్. కేవలం నటీ నటులే కాదు టెక్నీషయన్స్ కూడా అంతా ఫేమ్ ఉన్నవాళ్లే అని తెలుస్తోంది. తాజాగా ఈ మూవీలో మోహ‌న్ బాబు-ర‌మ్య‌కృష్ణ‌లు కీల‌క పాత్ర‌లు పోషించనున్నట్లు వార్తలు హల్చల్ చేస్తున్నాయి.

మోహ‌న్ బాబు ఇందులో విల‌న్ పాత్ర పోషిస్తున్నట్లు, మూవీ టీమ్ చర్చలు జరుపుతున్నట్లు ఇన్ సైడ్ వర్గాల ద్వారా తెలుస్తోంది. చాలా రోజులుగా మోహన్ బాబు సినిమాలకి దూరంగా ఉంటున్నారు. ఈ మధ్యే  విష్ణు డ్రీమ్ ప్రాజెక్ట్ కన్నప్ప కోసం మళ్ళీ మేకప్ వేసుకున్నారు. ఇపుడు నాని సినిమాలో విలన్ గా నటించటానికి మోహ‌న్ బాబు ఒప్పుకున్నారని వినిపిస్తోంది. మోహన్ బాబు కెరియర్ మొదట్లో విల‌న్ గా ఎంట్రీ ఇచ్చి, ఆ పాత్ర‌ల‌తోనే గుర్తింపు పొంది హీరో అయ్యారు. ఇప్పుడు మళ్ళీ విలన్ గా నటిస్తుండటం విశేషం. రమ్య కృష్ణ, మోహన్ బాబు లాంటి వాళ్లు ప్యారడైజ్ లో భాగం అయితే ఈ ప్రాజెక్ట్ కి మరింత క్రేజ్ పెరగటం గ్యారంటీ.