నందమూరి ఫాన్స్ ఎదురుచూసిన రోజు రానే వచ్చింది. ఎట్టకేలకు బాలయ్య వారసుడు మోక్షజ్ఞ తెరంగేట్రం చేయనున్నాడు. ప్రశాంత్ వర్మ లాంచ్ చేసేందుకు సర్వం సిద్ధం చేసాడు. ఇప్పటికే మోక్షజ్ఞ ఫస్ట్ లుక్ పోస్టర్ కూడా రిలీజ్ చేసి ఫాన్స్ కి మంచి ట్రీట్ ఇచ్చాడు ప్రశాంత్ వర్మ. ఇక షూటింగ్ ఒక్కటే మొదలవ్వాల్సి ఉంది. ఈ నేపథ్యంలో తాజాగా ప్రశాంత్ వర్మ మోక్షజ్ఞ న్యూ లుక్ ని సొషల్ మీడియాలో పోస్ట్ చేసాడు. మోక్షజ్ఞ లుక్ చూసి ఫాన్స్ ఫిదా అవుతున్నారు. ప్రశాంత్ వర్మ యూనివర్స్ కి తగ్గట్టు మోక్షజ్ఞ మేకోవర్ ఉంది. స్టైలిష్ గా హ్యాండ్సమ్ గా, ఉండి తన లుక్ తో మెస్మరైజ్ చేస్తున్నాడు మోక్షజ్ఞ.

దీనితో నందమూరి ఫాన్స్ ఫుల్ ఖుషీ అవుతున్నారు. తమ అభిమాన హీరోని పర్ఫెక్ట్ గా లాంచ్ చేస్తునందుకు ప్రశాంత్ వర్మని అభినందిస్తున్నారు. పక్కా హీరో మెటీరియల్ అని మోక్షజ్ఞకి కాంప్లిమెంట్స్ ఇస్తున్నారు. డిసెంబర్ 5న మూవీ ఓపెనింగ్ ఉంటుందని తెలుస్తోంది. ఓపెనింగ్ రోజు మరొక పోస్టర్ కూడా రిలీజ్ చేయనున్నారని సమాచారం. ప్రస్తుతం మోక్షజ్ఞ లుక్ సోషల్ మీడియాలో వైరలవుతోంది. మూవీలో ఇదే లుక్ ఉంటుందా లేదా మారుస్తారా?అని ఫాన్స్ ఆరాలు తీస్తున్నారు.

ప్రశాంత్ వర్మ మోక్షజ్ఞ ఫొటోస్ షేర్ చేస్తూ 'రెడీ టూ సమ్ యాక్షన్' అని హింట్ ఇచ్చాడు. అంటే ఫస్ట్ షెడ్యూల్ యాక్షన్ ఎపిసోడ్స్ తో స్టార్ట్ చేసే అవకాశం ఉందని తెలుస్తోంది.  ఈ సినిమాని SLV సినిమాస్ బ్యార్ పై సుధాకర్ చెరుకూరి, తేజస్విని నందమూరి సంయుక్తంగా నిర్మిస్తున్నారు. మోక్షజ్ఞకి జోడిగా రవీనా టాండన్ కూతురు రషా తడానీ నటించనున్నట్లు ప్రచారం జరుగుతోంది. ఓపెనింగ్ రోజు క్లారిటీ వచ్చే ఛాన్స్ ఉంది.

ALSO READ: నాని తో మోహన్ బాబు ఢీ