అటు ఎన్టీఆర్... ఇటు నాగార్జున‌. ఒక‌రు యంగ్ త‌రంగ్‌. మ‌రొక‌రు సీనియ‌ర్‌. ఎవ‌రి పంథా వారిదే. అయితే ఇద్దరూ బుల్లి తెర‌పై కూడా రాణిస్తున్నారు. `ఎవ‌రు మీలో కోటీశ్వ‌రులు` పోగ్రాంతో ఎన్టీఆర్‌... `బిగ్ బాస్‌`తో నాగార్జున ఇళ్ల‌ల్లోకి కూడా చొచ్చుకుపోతున్నారు. ఇప్పుడు ఈ రెండూ ఇంచు మించు ఒకేసారి టెలీకాస్ట్ అవుతున్నాయి. దాంతో... ఇద్ద‌రిలో ఎవ‌రు బెస్ట్ అనే చ‌ర్చ స‌ర్వ‌త్రా నెల‌కొంది. బిగ్ బాస్ ని మూడు సీజ‌న్లుగా దిగ్విజ‌యంగా న‌డిపిస్తున్నాడు నాగ్.

ఈ సీజ‌న్ కూడా ఘ‌నంగానే ఆరంభించాడు. ఎన్టీఆర్ సైతం బిగ్ బాస్ షోకి హోస్ట్ గా వ్య‌వ‌హ‌రించిన సంగ‌తి తెలిసిందే. ఇప్పుడు ఎవ‌రు మీలో కోటీశ్వ‌రుడు షోని భుజాన వేసుకున్నాడు. ఎన్టీఆర్ - నాగ్ లు బాగానే చేస్తున్నా.. నాగ్ కంటే.. కొన్ని ఎక్కువ మార్కులు ఎన్టీఆర్‌కే ప‌డుతున్నాయి. బిగ్ బాస్ షోని సైతం ఎన్టీఆరే హోస్ట్ చేస్తే బాగుంటుంద‌న్న అభిప్రాయాల్ని నెటిజ‌న్లు వ్య‌క్త ప‌రుస్తున్నారు.

ఎన్టీఆర్ ఎన‌ర్జీ... బిగ్ బాస్ షోకి అతికిన‌ట్టు స‌రిపోతుంద‌ని వ్యాఖ్యానిస్తున్నారు. అయితే బిగ్ బాస్ అంటేనే ఇప్పుడు నాగ్ క‌ళ్ల‌ముందుకొస్తున్నారు. అందుకే నాగ్ ని భారీ పారితోషికం ఇచ్చి మ‌రీ పెట్టుకుంటున్నారు. నాగ్ గ‌నుక `నో` అంటే అప్పుడు ఎన్టీఆర్ ద‌గ్గ‌ర‌కు వెళ్తారేమో..? బిగ్ బాస్ లో ఎన్టీఆర్‌ని హోస్ట్ గా చూడాలంటే ఇంకొన్నాళ్లు ఆగాల్సిందే.

ALSO READ: 'శుభలేఖ’ సుధాకర్ ఇంట్లో విషాదం