తెలుగు సినిమా కి సంబంధించిన ఏ ఈవెంట్ జ‌రుగుతున్నా - అక్క‌డ ఏదో ఓ రూపంలో ప‌వ‌న్ క‌ల్యాణ్ ప్ర‌స్తావ‌న వ‌స్తుంటుంది. ముఖ్యంగా మెగా ఫ్యాన్స్ ఈవెంట్ అంటే.. ప‌వ‌ర్ స్టార్ కి గుర్తు చేసుకుంటూ ఆడిటోరియంలో ఉన్న అభిమానులు ఊగిపోతుంటారు. స‌రిగ్గా ఇదే... సీన్ `ఆర్‌.ఆర్‌.ఆర్‌` ప్రీ రిలీజ్ ఈవెంట్ లోనూ రిపీట్ అయ్యింది. ముంబైలో ఆదివారం `ఆర్‌.ఆర్‌.ఆర్‌` ప్రీ రిలీజ్ ఫంక్ష‌న్ జ‌రిగిన సంగ‌తి తెలిసిందే. ఈ సంద‌ర్భంగా అక్క‌డ కూడా `ప‌వ‌ర్ స్టార్‌.. ప‌వ‌న్ క‌ల్యాణ్‌` నినాదాల‌తో ఊగిపోయారు జ‌నం.

`బాబుల‌కే బాబు... క‌ల్యాణ్ బాబూ` అనేకొత్త స్లోగ‌న్ తో అభిమానులు రెచ్చిపోయారు. ముఖ్యంగా రామ్ చ‌ర‌ణ్ మాట్లాడేట‌ప్పుడు.. క‌ల్యాణ్ ప్ర‌స్తావ‌న తీసుకొచ్చారు ఫ్యాన్స్‌. ప‌వ‌న్ క‌ల్యాణ్ నినాదాల‌తో... ఆ స్టేడియం కాసేపు ద‌ద్ద‌రిల్లింది. బాబాయ్ ప్ర‌స్తావ‌న తీసుకొచ్చే ప్ర‌తీసారీ చ‌ర‌ణ్ కూడా ఉత్సాహంగా ఉండేవాడు. అయితే ఈసారి కాస్త ఇరిటేట్ అయిన‌ట్టు తెలుస్తోంది. ముంబైలో ఈవెంట్ జరుగుతున్నా, ప‌వ‌న్ క‌ల్యాణ్ మానియా త‌గ్గ‌లేద‌ని... ఈ ఉదంతం రుజువు చేస్తోంది. ఇక త్వ‌ర‌లో.. ఆర్‌.ఆర్‌.ఆర్ ఈవెంట్ హైద‌రాబాద్ లోనూ జ‌ర‌గ‌బోతోంది. అక్క‌డ ప‌వ‌న్ ఫ్యాన్స్ కూడా ఇలానే రెచ్చిపోతారేమో చూడాలి.

ALSO READ: త్రివిక్ర‌మ్ కి ట‌చ్ లో వెళ్తున్న బ‌న్నీ?