మ‌న హీరోలు ఈమ‌ధ్య ఓ మంచి సంప్ర‌దాయాన్ని ఫాలో అవుతున్నారు. సినిమా షూటింగ్ అవ్వ‌గానే... చిత్ర‌బృందానికీ, సాంకేతిక నిపుణుల‌కూ.. భారీ బ‌హుమానాలు ఇచ్చి వాళ్ల‌ని ఖుషీ చేస్తున్నారు. ఎందుకంటే తెర‌పై క‌నిపించేది హీరో, హీరోయిన్లే. కానీ ఆ సినిమా బాగా రావ‌డానికి అహ‌ర్నిశ‌లూ క‌ష్ట‌ప‌డే టీమ్... తెర వెనుకే ఉండిపోతారు. వాళ్ల‌ని గుర్తించ‌డం క‌నీస ధ‌ర్మం. అందుకే అల్లు అర్జున్ `పుష్ప‌` టీమ్ కి.. బంగారు బిస్కెట్ల‌ని బ‌హుమానంగా ఇచ్చాడు. ఇప్పుడు ప్ర‌భాస్ కూడా అదే ఫాలో అయ్యాడు.

ప్ర‌భాస్ క‌థానాయ‌కుడిగా `ఆదిపురుష్‌` అనే సినిమా తెర‌కెక్కుతున్న సంగ‌తి తెలిసిందే. ప్ర‌భాస్ చేస్తున్న స్ట్ర‌యిట్ హిందీ సినిమా ఇదే. ఈ సినిమాకి సంబంధించిన షూటింగ్ కూడా పూర్త‌యిపోయింది. ఈ సంద‌ర్భంగా ఆదిపురుష్ టీమ్ కి ఖ‌రీదైన బ‌హుమ‌తులు అందించాడు ప్ర‌భాస్‌. ఆరు ల‌క్ష‌లు ఖ‌రీదు చేసే రాడో వాచీల‌ను... టీమ్‌కి కానుక‌గా ఇచ్చాడ‌ట‌. ప్ర‌భాస్ చేతుల‌తో స్వ‌యంగా.. ఈ బ‌హుమ‌తులు అంద‌డంతో.. వాళ్లంతా ఖుషీ అయిపోతున్నారు. రాధే శ్యామ్ టీమ్‌ కి కూడా ఇలానే.. గిఫ్టులిచ్చి త‌న ప్రేమ‌ని తెలియ‌జేశాడు ప్ర‌భాస్‌.

ALSO READ: నాని మ‌ళ్లీ అదే త‌ప్పు చేస్తున్నాడా?