విజ‌య్ దేవ‌క‌కొండ - శివ నిర్వాణ కాంబోలో సినిమా ఉంటుందా? ఉండ‌దా? అనే విష‌యంపై చాలా అనుమానాలు ఉన్నాయి. ఈ కాంబోలో సినిమా రావ‌డం క‌ష్ట‌మ‌ని, విజయ్ కి వేరే క‌మిట్‌మెంట్స్ ఉన్నాయ‌ని, ఈ విష‌యం శివ‌కి చెప్పేశాడ‌ని వార్త‌లొచ్చాయి. విజ‌య్ ఇప్పుడు పాన్ ఇండియా సినిమాలే చేస్తున్నాడ‌ని, శివ చెప్పిన లైన్ పాన్ ఇండియా స్థాయిలో లేద‌ని చెప్పుకున్నారు. వీట‌న్నింటికీ చెక్ పెట్టేశాడు శివ నిర్వాణ‌. `విజ‌య్ దేవ‌ర‌కొండ‌కు క‌థ చెప్పేశా. అది ఆయ‌న‌కు న‌చ్చింది.

లైగ‌ర్ అయ్యాక మా సినిమా ఉంటుంది` అని తేల్చేశారు. సో.. ఈ కాంబో ఖాయ‌మ‌న్న‌మాట‌. లైగ‌ర్ పూర్త‌యి విడుద‌ల‌య్యేస‌రికి క‌నీసం మ‌రో ఆరు నెల‌లైనా ప‌డుతుంది. అప్ప‌టి వ‌ర‌కూ... నిర్వాణ విజ‌య్ దేవ‌ర‌కొండ క‌థ‌పైనే క‌స‌ర‌త్తు చేయాల్సి ఉంటుంది. ''విజ‌య్ కోసం ఓ ల‌వ్ స్టోరీ చెప్పాను. పూర్తి వినోదాత్మ‌కంగా ఉంటుంది. మైత్రీ మూవీస్ ఈ చిత్రాన్ని నిర్మించ‌బోతోంది'' అని చెప్పుకొచ్చారు శివ నిర్వాణ‌. ఇప్పుడు ఆయ‌న దృష్టంతా ట‌క్ జ‌గ‌దీష్‌పైనే ఉంది. నాని హీరో గా రూపొందిన సినిమా ఇది. ఈనెల 10న అమేజాన్ ప్రైమ్ లో విడుద‌ల కాబోతోంది.

ALSO READ: భ‌గ‌త్ సింగ్ గా ప‌వ‌న్ క‌ల్యాణ్‌?!