మెగాస్టార్ చిరంజీవి ప్రజంట్ వశిష్ట దర్శకత్వంలో విశ్వంభర మూవీ చేస్తున్నారు. ఈ మూవీ తరువాత చిరు శ్రీకాంత్ ఓదెలతో ఒక  మూవీ చేస్తారని ప్రచారం జరిగింది. నాని నిర్మాతగా ఈ మూవీ పట్టాలెక్కనుంది అని అఫీషియల్ గా అనౌన్స్ చేసారు. కానీ నాని, శ్రీకాంత్ ఓదెల ప్రస్తుతం ది ప్యారడైజ్ మూవీతో బిజీ గా ఉన్నారు. ఆ మూవీ కంప్లీట్ అయ్యేవరకు చిరు వెయిట్ చేయటం ఎందుకని అనిల్ రావిపూడిని లైన్ లో పెట్టారు. జక్కన్న తరువాత టాలీవుడ్ లో మోస్ట్ సక్సెస్ ఫుల్ జర్నీ చేస్తున్న అనిల్ చిరు కోసం  కథ సిద్ధం చేస్తున్నారు. సంక్రాంతికి వస్తున్నాం సినిమాతో సూపర్ హిట్ అందుకున్న అనిల్ మళ్ళీ సంక్రాంతిని టార్గెట్ చేస్తున్నారట.   

అనిల్ - చిరు కాంబోలో ఒక  ఫ్యామిలీ ఎంటర్‌టైనర్ రానుంది. ఇప్పటికే స్క్రిప్ప్ట్ వర్క్ స్టార్ట్ చేసాడట. ఫస్ట్ పార్ట్ కంప్లీట్ అయ్యిందని, సెకండ్ పార్ట్ కూడా సిద్ధం చేస్తున్నాడట. అనిల్ రావిపూడి మేకింగ్ స్పీడ్ తెలిసిందే. జెట్ స్పీడ్ తో సినిమాలు తెరకెక్కించి, హిట్ కొట్టడం రావిపూడి స్పెషల్. ఈ క్రమంలో హీరోయిన్స్ ని కూడా ఫైనల్ చేసే పనిలో ఉన్నారట. ఇప్పటికే 10 మంది పేర్లు పరిశీలించారని సమాచారం. వీరిలో ప్రముఖంగా అదితిరావు హైదరి పేరు వినిపించింది. చిరు ఏజ్ కి అదితి లుక్ పర్ఫెక్ట్ గా ఉంటుంది అని అనుకున్నారు. చిరు - అదితీ జోడీ కూడా  ఫ్రెష్ గా ఉంటుందని భావించారు. 

లేటెస్ట్  అప్డేట్  ప్రకారం ఇప్పుడు అంజలి పేరు తెరపైకి వచ్చింది. చిరు పక్కన అంజలి అయితే బాగుంటుంది అన్న సెకండ్ ఆలోచన కూడా చేస్తున్నారట. అంజలి ఇప్పటికే వెంకటేష్, బాలయ్యలతో నటించింది. రీసెంట్ గా రామ్ చరణ్ గేమ్ చేంజర్ మూవీలో కూడా నటించి మంచి ప్రశంసలు అందుకుంది. అంజలి అయితే అనిల్ కథకి సరిగ్గా సరిపోతుంది అని భావిస్తున్నాడట. సంక్రాంతికి వస్తున్నాం సినిమాలో ఐశ్వర్య రాజేష్, మీనాక్షి లని తీసుకున్నప్పుడు అంతా సందేహ  పడినా సినిమా హిట్ లో వారే  కీలకంగా నిలిచారు. ఇప్పడు కూడా అంజలి పాత్ర అలాగే ఉంటుంది అని టాక్.