నందమూరి నట సింహం బాలక్రిష్ణ నటవారసుడు  మోక్షజ్ఞ డెబ్యూ మూవీ అనౌన్స్ చేసిన సంగతి తెలిసిందే. హనుమాన్ ఫేమ్ ప్రశాంత్ వర్మ ఈ సినిమాని తెరకెక్కిస్తున్నారు. ప్రజంట్ ప్రీ ప్రొడక్షన్ పనులు జరుగుతున్నాయని త్వరలోనే సెట్స్ పైకి వెళ్లనున్నట్లు సమాచారం. హీరోయిన్ ఎవరన్నది అఫీషియల్ గా అనౌన్స్ చేయకపోయినా శ్రీలీల మోక్షజ్ఞ పక్కన నటిస్తున్నట్లు ప్రచారం జరుగుతోంది. ఇంకో వైపు ర‌వీనా ఠాండ‌న్ కూతురు ర‌షా థ‌డానీ ఫిక్స్ అయ్యిందని కూడా వినిపిస్తోంది. మిగతా నటీనటులు డిటైల్స్ త్వరలో ప్రకటించనున్నారు. ఈ సినిమాలో బాలయ్య కూడా గెస్ట్ రోల్ చేస్తున్నట్టు టాక్.     

ఇవన్నీ పక్కన పెడితే ఈ సినిమాకి సంభంధించి ఒక క్రేజీ న్యూస్ చక్కర్లు కొడుతోంది. అదేంటి అంటే మోక్షజ్ఞని ఢీకొట్టే విలన్ గూర్చి న్యూస్ హల్చల్ చేస్తోంది. కోలీవుడ్ స్టార్ హీరో చియాన్ విక్రమ్ కొడుకు ధృవ్ విక్రమ్ విలన్ గా నటిస్తున్నట్టు సమాచారం. ఈ మూవీలో హీరో పాత్రతో సమానంగా విలన్ పాత్ర కూడా ఉంటుందని, అందుకే కొత్త వారు అయితే బెటర్ అని ఫ్రెష్ గా ఉంటుందని, పైగా  ధృవ్ కూడా మోక్షజ్ఞ ఏజ్ కావటంతో మంచి ఆప్షన్ అని ప్రశాంత్ ధ్రువ విక్రమ్ ని సంప్రదించినట్లు తెలుస్తోంది. 

ప్రశాంత్ వర్మ సినిమాటిక్ యూనివర్స్ లో భాగం అవటానికి చాలా మంది వెయిట్ చేస్తున్నారు. ప్రశాంత్ కూడా ముందే చెప్పాడు అన్ని భాషలకి చెందిన నటీ నటులు తన యూనివర్స్ లో ఉంటారని. అందుకే ధృవ్ విక్రమ్ ని సెలెక్ట్ చేసాడు. ఇప్పటికే ధృవ్ అర్జున్ రెడ్డి తమిళ రీమేక్ 'ఆదిత్య వర్మ'తో హీరోగా డెబ్యూ ఇచ్చాడు. నెక్స్ట్ విక్రమ్ తో కలిసి 'మహాన్' సినిమా చేశాడు. ఈ సినిమాలో ధృవ్ చేసిన నెగెటివ్ షేడ్స్ పాత్ర అతని విలనిజాన్ని మెప్పించింది. ప్రజంట్  సెల్వరాజ్ దర్శకత్వంలో 'బిసోన్' అనే సినిమా చేస్తున్నాడు ధృవ్. ఇప్పుడు తెలుగులో విలన్ గా ఎంట్రీ ఇస్తే విక్రమ్ తరహాలో క్లిక్ అవటం గ్యారంటీ అంటున్నారు సినీప్రియులు.