'కంచె'తో వెండి తెరపై తళుకులీనాలని ఎంట్రీ ఇచ్చిన ముద్దుగుమ్మ ప్రగ్యా జైశ్వాల్‌. తొలి సినిమాకి మంచి హిట్టే అందుకుంది. ఫేస్‌లో క్లాసిక్‌ ఫీచర్స్‌ ఆమెని క్లాసిక్‌ బ్యూటీగానే అభివర్ణించేలా చేశాయి. కానీ, ఆ క్లాసిక్‌ ఫీచర్స్‌కి గ్లామర్‌ మెరుగులు దిద్ది, అంచెలంచెలుగా గ్లామర్‌ కంచెలు తెంచేస్తూ వచ్చింది. ఒకటీ అరా అవకాశాలతోనే సరిపెట్టుకుంది. కానీ, తన క్లాసిక్‌ ఫేస్‌ స్టార్‌ వేల్యూ దక్కిరచుకోవడానికి యూజ్‌ కాలేకపోయింది. స్టార్‌డమ్‌ కాదు కదా.. ఆ ఒకటీ అరా అవకాశం కూడా దక్కడం లేదు ఈ ముద్దుగుమ్మకి. 'ఆచారి అమెరికా యాత్ర' సినిమా తర్వాత మళ్లీ కనిపించలేదు ప్రగ్యా జైశ్వాల్‌. పొట్టి పొట్టి దుస్తులతో సోషల్‌ మీడియాని హీటెక్కిస్తూ ఫాలోయింగ్‌ సంపాదించింది. కానీ, అక్కడా అంతగా వర్కవుట్‌ కాలేదీ బ్యూటీకి.

అయితే, తాజాగా ఈ ముద్దుగుమ్మ పేరు తెరపైకి వచ్చింది. అందుకు కారణం క్రిష్‌. తనను తెలుగు తెరకు పరిచయం చేసిన క్రిష్‌ జాగర్లమూడిపై ప్రగ్యాకి ప్రత్యేకమైన అభిమానం ఉంది. ఆ అభిమానంతోనే ఒక్క ఛాన్స్‌ అని క్రిష్‌ని నోరు తెరిచి అడిగేసిందట. క్రిష్‌ కూడా ప్రగ్యాకి ఛాన్స్‌ ఇచ్చే యోచనలోనే ఉన్నాడని తెలుస్తోంది. ఇంతకీ క్రిష్‌ ఇచ్చే ఆ ఛాన్స్‌ ఏ సినిమాకో తెలుసా.? పవన్‌ కల్యాణ్‌తో క్రిష్‌ తీయబోయే సినిమా కోసమట. ఈ నెల 27న క్రిష్‌ - పవన్‌ కల్యాణ్‌ కాంబినేషన్‌లో సినిమా పట్టాలెక్కనుందనే ప్రచారం జరుగుతోంది. ఈ సినిమాలోనే తన కంపెనీ నుండి దిగుమతి అయిన ప్రగ్యాకి అవకాశమిస్తాడంటూ ప్రచారం జరుగుతోంది. అయితే, ఈ ప్రచారంలో నిజమెంతో కానీ, మొత్తానికి ప్రగ్యా మళ్లీ తెరపై మెరిసే ఛాన్స్‌ అయితే రాబోతోందని ఆమె ఫాలోవర్స్‌ హ్యాపీ ఫీలవుతున్నారు.

ALSO READ: Pragya Jaiswal Latest Photoshoot