ఈమ‌ధ్య సీక్వెల్స్ గురించి ఎవ‌రూ పట్టించుకోవ‌డం లేదు. కొత్త క‌థ‌ల‌వైపే మొగ్గు చూపిస్తున్నారు. సినిమా హిట్ట‌యితే సీక్వెల్ చేస్తాం అని చెప్పినా అది మాట వ‌ర‌స‌కే అయిపోతోంది. ఇప్పుడు ర‌వితేజ కూడా సీక్వెల్ ఊసెత్తాడు. ర‌వితేజ క‌థానాయ‌కుడిగా న‌టించిన చిత్రం `డిస్కోరాజా`. విఐ ఆనంద్ ద‌ర్శ‌క‌త్వం వ‌హించిన ఈ చిత్రం ఈనెల 24న విడుద‌ల అవుతోంది. ఈ సినిమాపై మాస్ మ‌హ‌రాజాకి చాలా అంచ‌నాలే ఉన్నాయి. ఈ సారి గురి త‌ప్ప‌ద‌ని, అంద‌రి అంచ‌నాల్నీ అందుకుంటామ‌ని ధీమాగా చెబుతున్నాడు. అంతే క‌దా... డిస్కోరాజాకి సీక్వెల్ లేదా ప్రీక్వెల్ రాబోతోంద‌ని హింట్ ఇచ్చేశాడు.

``సినిమా చాలా బాగా వ‌చ్చింది. విఐ ఆనంద్ చాలా బాగా హ్యాండిల్ చేశాడు. త‌న‌తో మ‌ళ్లీ ప‌నిచేయాల‌నివుంది. అన్నీ అనుకున్న‌ట్టు జ‌రిగితే ఈ సినిమాకి సీక్వెల్ గానీ, ప్రీక్వెల్‌గానీ తీస్తాం`` అని చెబుతున్నాడు ర‌వితేజ‌. న‌భా న‌టేషా, పాయ‌ల్ రాజ్‌పుత్ క‌థానాయిక‌లుగా న‌టించారు. సునీల్‌, రాంకీ కీల‌క పాత్ర‌లు పోషించారు. మ‌రి ఈ సినిమాకి సీక్వెల్ ఉంటుందా లేదా అనేది తెలియాలంటే ఇంకొన్ని రోజులు ఆగాలి.

ALSO READ: 'న్యూడ్‌' షాక్‌ ఇచ్చిన అల్లరి నరేష్‌