సోషల్‌ మీడియా కాలంలో ఎవరు ఎప్పుడు ఎలా ఫేమస్ అయిపోతారో చెప్పటం కష్టం. ఒక్క చిన్న రిల్ చేసి, ఫ్రాంక్ చేసి రాత్రికి రాత్రే ఫేమస్ అయిపోతున్నారు. రీసెంట్ గా ప్రయాగ్ రాజ్ లో జరుగుతున్న కుంభమేళాలో మోనాలిసా అనే అమ్మాయి చాలా పాపులర్ అయిపోయింది.  రాత్రికి రాత్రే కొన్ని మిలియన్ ఫాలోవర్స్ ఏర్పడ్డారు ఈమెకి. కారణం సోషల్ మీడియా. మధ్య ప్రదేశ్ లో ఇండోర్ కి చెందిన మోనాలిసా ప్రయాగ రాజ్ కుంభమేళాలో రుద్రాక్షలు, ముత్యాల దండలు అమ్ముతూ కనిపించింది. ఎవరో సౌందర్య ఆరాధకులు ఆమె ఫొటో తీసి, న్యాచురల్ బ్యూటీ అని సొషల్ మీడియాలో పోస్ట్ చేసారు. దీంతో ఆమె నెట్టింట తెగ ట్రెండింగ్ లో ఉంది.

నీలి కళ్ళతో కుర్రాళ్ల మతులు పోగొడుతోంది ఈ బ్యూటీ. చెక్కిన శిల్పంలా ఉన్న ఈ మొనాలిసాని చూసి ప్రయాగరాజ్ లో చాలామంది వెంట పడుతున్నారు. ఫొటోలు వీడియోలు తీస్తూ ఒకరకంగా ఆమెను టార్చర్ పెడుతున్నారు. అనూహ్యంగా మోనాలిసా టాక్‌ ఆఫ్‌ ది కంట్రీగా మారిపోయింది. ఆమెతో ఒక్క సెల్ఫీ కోసం ఎగబడుతున్నారు. పేస్ బుక్, ఇనిస్టా పేజీలతో పాటు, నేషనల్ మీడియా కూడా ఈ అమ్మడి కోసం క్యూ కడుతోంది. ఈ క్రమంలోనే మోనాలిసాకి ఒక మూవీ ఆఫర్ వచ్చింది అని సమాచారం. అది కూడా టాలీవుడ్  స్టార్ హీరోతో అని టాక్.  

గ్లోబల్ స్టార్ రామ్‌చరణ్‌ నటిస్తున్న RC16 లో మోనాలిసా ఛాన్స్ కొట్టేసినట్లు తెలుస్తోంది. బుచ్చిబాబు దర్శకత్వంలో తెరకెక్కతున్న ఈ సినిమాలో ఇప్పటికే జాన్వీ కపూర్ ఒక హీరోయిన్ గా  ఎంపిక అయ్యింది. ఇప్పుడు మోస్ట్ ట్రెండింగ్ లో ఉన్న  మోనాలిసాను బుచ్చి బాబు సెలక్ట్ చేసాడు. సెకండ్ హీరోయిన్ లేదా ఇంకేదైనా పాత్ర అన్నది చూడాలి. స్పోర్ట్స్ బ్యాక్ డ్రాప్ లో సాగే ఈ పాన్ ఇండియా మూవీలో మోనాలిసా నటిస్తే పూర్తి క్రేజ్ వచ్చినట్టే. చెర్రీ పాన్ ఇండియా మూవీకి కావాల్సినంత బజ్ ఏర్పడుతోంది. దసరా బరిలో రానున్న ఈ మూవీతో మోనాలిసా తన ఫాన్స్ ని అలరించనుంది. భవిష్యత్తులో నంబర్ వన్ గా హీరోయిన్ గా ఎదిగినా ఆశ్చర్య పడక్కర్లేదు.