ఈ సంక్రాంతికి త‌న ఖాతాలో మ‌రో బ్లాక్ బ‌స్ట‌ర్ వేసుకున్నాడు మ‌హేష్ బాబు. ఈ హిట్టుతో హ్యాట్రిక్ సాధించిన‌ట్టైంది. భ‌ర‌త్ అనే నేను, మ‌హ‌ర్షి, స‌రిలేరు నీకెవ్వ‌రు... ఇలా మూడూ ఒక‌దాన్ని మించి మ‌రోటి విజ‌యాల్ని అందుకున్నాయి. ఇప్పుడు మ‌ధ్య‌లో కాస్త బ్రేక్ తీసుకున్నాడు. త‌న కుటుంబంతో క‌లిసి విహార యాత్ర‌కు వెళ్లాడు. అయితే ఈలోగా త‌దుప‌రి సినిమాకి సంబంధించిన ప‌నులు చ‌క చ‌క జ‌రుగుతున్నాయి. ఈసారి సంగీత ద‌ర్శ‌కుడిగా త‌మ‌న్ ఎంట్రీ ఖాయ‌మైంది.

హీరోయిన్ కోసం కూడా అన్వేష‌ణ మొద‌లైపోయింది. మ‌హేష్ ప‌క్క‌న కియారా అడ్వాణీ న‌టించోతోంద‌ని స‌మాచారం అందుతోంది. `భ‌ర‌త్ అనే నేను` లో మ‌హేష్ తో జోడీ క‌ట్టింది కియారా. ఆ త‌ర‌వాత `విన‌య విధేయ రామా`లో చ‌ర‌ణ్ తో స్టెప్పులు వేసింది. అయితే ఆ సినిమా ఫ్లాప్ అవ్వ‌డంతో కియారాకు తెలుగులో అవ‌కాశాలు ద‌క్క‌లేదు. ఈలోగా బాలీవుడ్ `అర్జున్ రెడ్డి` రీమేక్‌లో అద‌ర‌గొట్టింది. అందుకే మ‌రోసారి మ‌హేష్ కియారాకు ఛాన్స్ ఇవ్వ‌బోతున్న‌ట్టు తెలుస్తోంది.

ALSO READ: Kiara Advani Latest Photoshoot