'సరిలేరు..'తో ఈ ఏడాది సంక్రాంతికి సూపర్‌ హిట్‌ కొట్టిన మహేష్‌బాబు తర్వాత వంశీ పైడిపల్లి సినిమాకి కమిట్‌ అయిన సంగతి తెలిసిందే. ఈ సినిమా ప్రీ ప్రొడక్షన్‌ పనుల్లో ప్రస్తుతం బిజీగా ఉంది. కాస్టింగ్‌ని ఎంపిక చేసే పనిలో నిమగ్నమయ్యాడు దర్శకుడు వంశీ పైడిపల్లి. అందులో భాగంగా మహేష్‌ సరసన నటించే కథా నాయికల ఎంపిక జరుగుతోందట. 'భరత్‌' బ్యూటీ కైరా అద్వానీ మహేష్‌ కోసం మరోసారి బాలీవుడ్‌ నుండి, టాలీవుడ్‌కి రాబోతోందనే వార్త సినీ వర్గాల్లో చక్కర్లు కొడుతోంది. అది నిజమో కాదో తెలీదు కానీ, మరో బాలీవుడ్‌ బ్యూటీని కూడా ఈ సినిమా కోసం ఎంచుకునే ఆలోచన చేస్తున్నారట. అంటే ఈ సినిమాలో మహేష్‌ సరసన ఇద్దరు ముద్దుగుమ్మలు నటించనున్నారన్న మాట.

ఇద్దరూ బాలీవుడ్‌ భామలే అని ప్రచారం జరుగుతోంది. టాలీవుడ్‌లో మోస్ట్‌ వాంటెడ్‌ అనిపించుకున్న పూజా హెగ్దే, రష్మికా మండన్నాలతో ఆల్రెడీ మహేష్‌బాబు జత కట్టేశాడు. అయితే, ఈ సారి ఫ్రెష్‌నెస్‌ కోసం బాలీవుడ్‌ భామల్ని తీసుకురావాలనుకుంటున్నారట. ఆ క్రమంలోనే ఆల్రెడీ తెలుగు ప్రేక్షకులకు సుపరిచితురాలైన కైరా అద్వానీ పేరు వినిపిస్తున్నా, బాలీవుడ్‌లో ఒక్క సినిమా చేస్తేనే ఎంతో బిజీ. అలాంటిది కైరా చేతిలో ప్రస్తుతం ఆరడజనుకు పైగా ప్రాజెక్టులున్నాయి. సో ఆమె టాలీవుడ్‌కి రావడం కాస్త కష్టమే అయినా, మరోసారి మహేష్‌ - కైరా జోడీని అభిమానులు ఆశిస్తున్నారు. టాలీవుడ్‌ హస్తం పడ్డాకనే నిజానికి కైరా దశ తిరిగిందని చెప్పాలి. సో అలాంటి టాలీవుడ్‌ ప్రేక్షకుల కోసం కాస్త కష్టమైనా ఇష్టంగా భావించి వస్తుందేమో చూడాలి.

ALSO READ: 'మల్లీశ్వరి'కి పెళ్లయిపోయిందోచ్‌!