లక్కీ భాస్కర్ తో హిట్టు కొట్టింది మీనాక్షి చౌదరి. ఈ సినిమాలో ఆమె పాత్రకి కూడా మంచి మార్కులు పడ్డాయి. బలమైన క్యారెక్టర్స్ చేయగల సత్తా తనకి వుందని నిరూపించుకుంది. ఇదే నెలలో ఆమెనుంచి మరో రెండు సినిమాలు వస్తున్నాయి. ఇది తన జీవితంలో చాలా స్పెషల్ మూమెంట్ అని చెప్పుకొచ్చింది మీనాక్షి.

'ఒక నెలలో హీరోయిన్ గా నా నుంచి మూడు సినిమాలు వస్తున్నాయి. లక్కీ భాస్కర్ హిట్ అయ్యింది, మట్కా లో ఒక డిఫరెంట్ క్యారెక్టర్ చేశాను. మెకానిక్ రాకీ కూడా ఇదే నెలలో వస్తుంది. నటిగా గర్వపడే మూమెంట్ ఇది. ఒక నటికి ఇంతకంటే ఏం కావాలి' అని తన ఆనందాన్ని పంచుకుంది.

''మట్కా లో చేసిన సుజాత క్యారెక్టర్ చాలా పాజిటివ్ గా వుంటుంది. ఇప్పటివరకూ అలాంటి క్యారెక్టర్ చేయలేదు. ఆ సినిమా మొత్తంలో పాజిటివ్ రోల్ నాదే. అందరూ రిలేట్ చేసుకునేలా వుంటుంది' అని చెప్పింది.

సంక్రాంతికి వస్తున్నాం' సినిమాలో పోలీస్ రోల్ చేస్తుంది మీనాక్షి. ఇందులో ఆమె క్యారెక్టర్ యాక్షన్ వుందట. 'డైరెక్టర్ అనిల్ నాతో చాలా యాక్షన్ చేయిస్తున్నారు. ఆ క్యారెక్టర్ అందరినీ సర్ ప్రైజ్ చేయడం పక్కా' అని చెబుతోంది మీనాక్షి. మట్కా సినిమా గురువారమే ప్రేక్షకుల ముందుకు వస్తోంది.