వెంక‌టేష్ చేతిలో ప‌డిన మ‌రో రీమేక్‌... `అసుర‌న్‌`. త‌మిళంలో ధ‌నుష్ న‌టించిన సినిమా ఇది. అక్క‌డ సూప‌ర్ హిట్ అయ్యింది. ధ‌నుష్ న‌ట‌న గురించి ప్ర‌త్యేకంగా మాట్లాడుకున్నారు కూడా. ఆ పాత్ర‌లో వెంక‌టేష్ ఏ మేర‌కు విజృంభిస్తాడో అంటూ ఇక్క‌డి అభిమానులు ఆశ‌గా ఎదురుచూస్తున్నారు. ఈలోగా లుక్ కూడా బ‌య‌ట‌కు వ‌చ్చేసింది. ఈ చిత్రానికి 'నార‌ప్ప‌' అనే టైటిల్ ఫిక్స్ చేశారు. వెంకీ లుక్ మాసీగా ఉంది. వెంకీని ఈ త‌ర‌హా గెట‌ప్‌లో చూడ‌డం అభిమానుల‌కు థ్రిల్ ఇచ్చే విష‌య‌మే.

అయితే... ధ‌నుష్ లుక్‌ని వెంకీ మ‌క్కీకి మ‌క్కీ దించేశాడు. గుబురు గ‌డ్డం, నుదుట‌న బొట్టు, త‌ల‌కు చుట్టుకున్న తుండు... ఇవ‌న్నీ సేమ్ టూ సేమ్‌. క‌థ‌, క‌థ‌నాలు ఎలాగూ ఉన్న‌ది ఉన్న‌ట్టుగానే కాపీ చేస్తారు. కనీసం లుక్ అయినా మార్చొచ్చు క‌దా అన్న‌ది కొంత‌మంది వాద‌న‌. అదీ నిజ‌మే. కాక‌పోతే... మార్పులు, చేర్పుల‌కు వెంకీ ఇష్ట‌ప‌డ‌లేదేమో..? అందుకే క‌ట్ అండ్ పేస్ట్ అయిపోయిందిక్క‌డ‌. మ‌రి సినిమా కూడా అలానే దించేస్తారేమో..?