విజ‌య్ దేవ‌ర‌కొండ - పూరి జ‌గ‌న్నాథ్ కాంబినేష‌న్‌లో ఓ చిత్రం రూపుదిద్దుకుంటోంది. అదే `ఫైట‌ర్‌`. పూరి ఈ చిత్రానికి నిర్మాత‌. ఇందులో హీరోయిన్‌గా శ్రీ‌దేవి కూతురు జాన్వీక‌పూర్‌ని ఎంచుకుందామ‌నుకున్నారు. చిత్ర‌బృందం ఆమెతో సంప్ర‌దింపులు కూడా జ‌రిపింది. అయితే విజ‌య్‌కి జాన్వీ హ్యాండిచ్చేసింది. ఆమె స్థానంలో మ‌రో బాలీవుడ్ భామ అన‌న్య‌ని హీరోయిన్‌గా తీసుకున్నారు. స్టూడెంట్ ఆఫ్ ది ఇయ‌ర్ 2 సినిమాలో మెరిసిన తార ఈ అన‌న్య‌. త‌నైతే... విజ‌య్ ప‌క్క‌న బాగుంటుంద‌ని పూరి భావించ‌డం, ఆమెను సెలెక్ట్ చేయ‌డం జ‌రిగిపోయాయి. సోమ‌వారం నుంచి ముంబైలో చిత్రీక‌ర‌ణ ప్రారంభం కానుంది. ఈ సినిమా కోసం విజ‌య్ దేవ‌ర‌కొండ బ్యాంకాక్‌లో ప్ర‌త్యేక శిక్ష‌ణ కూడా తీసుకున్నాడు. మార్ష‌ల్ ఆర్ట్స్ నేప‌థ్యంలో సాగే క‌థ ఇది. యాక్ష‌న్‌కి పెద్ద పీట వేస్తున్నారు. ఇందుకోసం బాలీవుడ్‌, హాలీవుడ్‌కి చెందిన యాక్ష‌న్ నిపుణులు ప‌నిచేయ‌బోతున్న‌ట్టు తెలిసింది.

ALSO READ: తెలుగు పింక్‌లో 5 పాట‌లా??