సాహో ఎఫెక్ట్ ప్ర‌భాస్ కొత్త సినిమాపై ప‌డుతుంద‌ని అభిమానులు ముందు నుంచీ భ‌య‌పడుతూనే ఉన్నారు. ఇప్పుడు అదే జ‌రిగింది. రాధాకృష్ణ సినిమా 'జాన్‌'.. విడుద‌ల మ‌రింత ఆల‌స్యం అయ్యింది. 2020లో రావాల్సిన ఈ సినిమా 2021న విడుద‌ల అవుతోంది. దీనంత‌టికీ కార‌ణం.. రీషూట్లే అని తేలింది. ఇది వ‌ర‌కు ఇట‌లీలో ఓ షెడ్యూల్ జ‌రిగింది. ఆ త‌ర‌వాత హైద‌రాబాద్‌లో కొంత మేర షూటింగ్ జ‌రిపారు. మ‌ళ్లీ ఇట‌లీ వెళ్ల‌కుండా ఉండాల‌ని, ఆ వ‌ర్క్ అంతా హైద‌రాబాద్‌లోనే చేయాల‌న్న‌ది చిత్ర‌బృందం ఆలోచ‌న‌. అలానే షూటింగ్ కూడా పూర్తి చేశారు. ఇట‌లీలోని తెర‌కెక్కించిన స‌న్నివేశాల్ని మ్యాచ్ చేస్తూ హైద‌రాబాద్లో దాదాపు 20 శాతం సినిమా తీసేశారు. అందుకోసం అన్న‌పూర్ణ స్డూడియోలో కొన్ని సెట్లు కూడా రూపొందించారు.

ఇప్పుడు తాజాగా చిత్ర‌బృందం మ‌రోసారి ఇట‌లీ వెళ్లాల‌ని భావిస్తోంది. అంటే.. ఇది వ‌ర‌కు అక్క‌డ తీసిన స‌న్నివేశాల‌న్నీ ప‌క్క‌న పెడుతున్నార‌న్న‌మాట‌. అంతేకాదు.. హైద‌రాబాద్లో తీసిన కొన్ని స‌న్నివేశాల్ని కూడా రీషూట్ చేయాల్సివ‌స్తోందట‌. 2021 వేస‌విలోగానీ, ద‌స‌రాలోనీ రావాల్సిన ఈ సినిమా 2021 వేస‌వికి వాయిదా ప‌డిందంటే, ఏ మేరకు రీ షూట్లు జ‌రిగాయో అర్థం చేసుకోవ‌చ్చు.

ALSO READ: ఇద్ద‌రు రెబ‌ల్ స్టార్లూ.. క‌లుస్తున్నారోచ్!