`ఓం న‌మో వెంక‌టేశాయ‌` త‌ర‌వాత కె.రాఘ‌వేంద్ర‌రావు మ‌ళ్లీ మెగా ఫోన్ ప‌ట్ట‌లేదు. ఆ సినిమా త‌ర‌వాత‌.. రాఘ‌వేంద్ర‌రావు సినిమాల‌కు దూరం అవుతార‌ని ప్ర‌చారం జ‌రిగింది. అందుకు త‌గ్గ‌ట్టే - ఆయన్నుంచి అలికిడి లేదు. అయితే... ఓ హిట్ సినిమాతో కెరీర్‌ని ముగించ‌డం బాగుంటుంద‌ని రాఘ‌వేంద్ర‌రావుకి స‌ల‌హాలూ, సూచ‌న‌లు రావ‌డంతో ఓ మంచి సినిమా తీసి, అప్పుడు హుందాగా సినిమాల‌కు స్వ‌స్తి ప‌ల‌కాల‌ని నిర్ణ‌యించుకున్న‌ట్టు స‌మాచారం. రాఘ‌వేంద్ర‌రావు నుంచి త్వ‌ర‌లో ఓ సినిమా రాబోతోంద‌ని, అందుకు సంబంధించిన సన్నాహాలు జ‌రుగుతున్నాయ‌ని వార్త‌లొస్తున్నాయి.

ఇప్పుడు ద‌ర్శ‌కేంద్రుడి నుంచి ఓ ప్ర‌క‌ట‌న కూడా రాబోతోంది. శుక్ర‌వారం ఉద‌యం రాఘ‌వేంద్ర‌రావు సినిమాకి సంబంధించిన ఓ అప్ డేట్ రాబోతోంది. అది ఏమై ఉంటుందా? అని సినీ అభిమానులు ఆస‌క్తిగా ఎదురు చూస్తున్నారు. ఈ సినిమాలో హీరో ఎవ‌రు? ఎలాంటి సినిమా? అనే చ‌ర్చ న‌డుస్తోందిప్పుడు. `పెళ్లి సంద‌డి` టైపులో ఓ స‌కుటుంబ స‌ప‌రివార స‌మేతంగా చూడ‌ద‌గ్గ సినిమా తీస్తార‌ని, అందుకు సంబంధించిన స్క్రిప్టు కూడా రెడీ అయ్యింద‌ని ప్ర‌చారం జ‌రుగుతోంది. మ‌రి ఏమై ఉంటుందో తెలియాలంటే రేప‌టి వ‌ర‌కూ ఆగాల్సిందే.

Stay tuned... My next film with title announcement tomorrow at 11:30 AM... pic.twitter.com/3yBZQS2ZaI
— Raghavendra Rao K (@Ragavendraraoba) October 8, 2020