సంక్రాంతి బ‌రిలో దిగిన కోడి పుంజు.. 'స‌రిలేరు నీకెవ్వ‌రు'. తొలి రోజు టాక్ అటూ ఇటూగా వినిపించినా స‌రే.. వ‌సూళ్ల తాడికి ఏమాత్రం త‌గ్గ‌లేదు. స‌రిక‌దా.. రోజు రోజుకూ స‌రికొత్త రికార్డులు సృష్టిస్తూ దూసుకుపోతోంది. ఎనిమిదో రోజు కూడా మ‌హేష్ సినిమా త‌న ప్ర‌తాపం చూపించింది. 8 రోజుల‌కు గానూ రూ.112 కోట్ల షేర్ సాధించింది. మ‌హేష్ కెరీర్‌లో ఇదే రికార్డు.

నైజాం లో 29.8 కోట్లు, సీడెడ్ లో 13.25 కోట్లు, ఉత్తరాంధ్ర లో 14.9 కోట్లు వ‌చ్చాయి, గుంటూరులో 8.51 కోట్లు, ఈస్ట్ లో 9.04 కోట్లు, వెస్ట్ లో 6.02 కోట్లు సాధించింది. కృష్ణ నుంచి 7.34 కోట్లు, నెల్లూరు నుంచి 3.32 కోట్లు రాబ‌ట్టింది. క‌ర్నాట‌క‌లోనూ మ‌హేష్ త‌న ప్ర‌తాపం చూపించాడు. అక్క‌డి నుంచి ఈ సినిమా ఏకంగా 7 కోట్లు రాబ‌ట్టింది. ఓవ‌ర్సీస్‌లో దాదాపు 8 కోట్లు తెచ్చుకుంది. చాలా చోట్ల నాన్ బాహుబ‌లి రికార్డుల‌కు ద‌గ్గ‌రైంది. మ‌హేష్ గ‌త చిత్రాల రికార్డుల‌న్నీ ఈ సినిమా చెరిపేసిన‌ట్టైంది.

ALSO READ: తెలుగు పింక్‌లో 5 పాట‌లా??