డబుల్ ఇస్మార్ట్, మిస్టర్ బచ్చన్ సినిమాలు రెండూ ఆగస్టు 15న రిలీజ్ కావటం టాలీవుడ్ లో పెద్ద చర్చగా మారింది. కారణం రెండూ మంచి హైపు ఉన్న సినిమాలు, హీరోలు దర్శకులు కూడా పేరున్న వాళ్ళే కావటం. అనుకోకుండా ఈ రెండూ ఒకే రోజు రిలీజ్ అవుతున్నాయి. కావాలని కొందరు ఈ వివాదాన్ని పెంచుతున్నారు. ఈ నేపథ్యం లోనే మీడియాతో మాట్లాడిన హరీష్ అదే రోజు మిస్టర్ బచ్చన్ రావటానికి కారాణాలు వివరిస్తూ, డబుల్ ఇస్మార్ట్ హీరో రామ్ తో ఒక సినిమా కూడా అనౌన్స్ చేసాడు. ఇంతక ముందు నుంచి వీరి కాంబో పై ప్రచారం జరిగినా కన్ఫర్మ్ కాలేదు కానీ ఇప్పుడు ఈ వివాదాల కారణంగా రామ్ తో సినిమా అఫీషియల్ గా అనౌన్స్ చేసాడు హరీష్ శంకర్. 

త్వరలో రామ్ తో హరీష్ ఒక సినిమా చేస్తున్నట్లు, కొమ్మలపాటి కృష్ణ ప్రొడ్యూసర్ గా ఈ మూవీ ని తెరకెక్కిస్తున్నారని చెప్తూ,  నేను వర్క్  చేయాలనుకున్న హీరోకి వ్యతిరేకంగా నా సినిమా ఎందుకు రిలీజ్ చేస్తా అని హరీష్ పేర్కొన్నారు. తప్పని సరి పరిస్థితులలో ఇలా పోటీ పడాల్సి వస్తోందని, రామ్, పూరి లకి డబుల్ ఇస్మార్ట్ మంచి హిట్ ఇవ్వాలని కోరారు హరీష్. హరీష్ శంకర్ పవన్ తో ఉస్తాద్ భగత్ తెరకెక్కిస్తున్నాడు. ఈ మూవీ గ్యాప్ రావటం తో రవితేజతో మిస్టర్ బచ్చన్ పూర్తి చేసాడు. నెక్స్ట్ పవన్ డేట్స్ ఇస్తే ఉస్తాద్ భగత్ కంప్లీట్ చేసి రామ్ తో మూవీ పట్టాలెక్కిస్తాడని సమాచారం. 

రామ్ కూడా డబుల్ ఇస్మార్ట్ తరవాత ఏ ప్రాజెక్ట్ చేస్తున్నాడని ఇప్పటివరకు అనౌన్స్ చేయలేదు. ఇప్పుడు హరీష్ ప్రకటనతో రామ్ నెక్స్ట్ ప్రాజెక్ట్ పై ఆసక్తి పెరిగింది. హరీష్ లాంటి మాస్ డైరక్టర్ తో రామ్ లాంటి ఎనర్జిటిక్ హీరో సినిమా అంటే ఫాన్స్ ఎక్సపెక్టేషన్స్ పెంచినట్టే.